ياسمين : بيقولوا حسين كلمهم وعرفهم الحقيقه وانها مطلقه ولازم ترجع بيت ابوها عشان اخواتها البنات الي رجالتهم فهمين انها هربت مع عيشقها فارس بحده : ينعل ابوها لابو اخواتها البنات لابو رجالتهم دموع مكنش ينفع ترجع معاهم دموع
تخصناا احنا صباح بهدوء : كله بالعقل يا فارس وبالاصول هيتم و اخوك لو عايزها يقوم بسلامه ويشد حيله ويروح يطلبها من اهلها مها : صباح عندها حق يا فارس سيف يقوم انشالله و مش هنسبها هناك وهترجع وسطينا تاني يا حبيبي …
فارس معرفش يرد ودخل اوضته ورزع الباب وراه بعصبيه وهو بيرن علي دموع الي كانت نايمه وصحيت علي صوت التليفون وبتسمت لما شافت اسم فارس : ايوة يا فارس : وزتي ..قالها فارس بغصه وبلع ريقه …عامله ايه يا حببتي انتي كويسة حد عملك حاجه اجي اخدك قوليلي
انتي بس تعاله ومالكيش دعوة هخطفك وربنا يا دموع دموع ضحكت بحب : اهدي انا كويسه والله ولو في اي حاجه كنت كلمتك ..وبلعت غصتها ..سيف لسه مفقش
: هيفوق وهنيجي نخدك من هناك مش هنسيبك متخفيش : مش خايفه انا اخوية في ضهري انا عارفه : قلب اخوها ابقي طمنيني عليكي ماشي : ماشي وخلي بالك من نفسك وطمني علي سيف …سلام وقفلت مع فارس ومسحت وشها بهم وقعدت علي السرير وهي بصه في الارض بشرود … : ااايه يا ست هانم هتفضلي ناايمه طول النهار قربنا نبقا الضهر قوومي اعمليلك حاجه اوعي تفكري انك رجعه ضيفه لا ده انتي ايدك هتكون معايه في شغل البيت والزريبه قومي اعملي غدا يلا ولا مستنيا الاكل يجيلك لحد السرير لاااا الرفهيه دي تنسيهاا يا روح امك ..
قالت كده مرات ابوها الي فتحت الباب فجأة ودخلت زي القطر وهي بتقول يا شر اشتر من صباح الله خير
دموع فضلت بص لها ببرود واول ما خلصت هجمت عليها ومسكت شعرهاا بغضب : لو مفكرة اني كنت مرفها تبقي غلطانه ولا مفكره اني كنت عايشه في جاردن سيتي لا يا حببتي ده انا كنت عايشه مش شوية اوبااش
دموووع القديمه دي تنسيها خاالص ولو فكرتي تدوسي لي علي طرف هدوس علي وشك انا مش هقوم اخدم عليكي زي زماان يا روح امين امك وانتي قعدة زي البقرة لااااا ده كان زمااان يختييي انا الي ملزمه بيه اكلي وشربي وهدومي و اوضتي غير كده مفيش لحد ما اغوور من وشك يلا غووري جتك البلاا علي الصبح
وزقتها بعنف مرات ابوها بلعت ريقها وهي مبرقه عنيها ومصدومه هي دي دموع الي كانت مرمطون عندها الي
تهب فيها تعملها علي نفسها من الخوف : بتمدددي ايدك عليا طيب انا هوريكي يا دموووع وحالا عايزة تغوري من وشي ده انتي بتحلمي ااايه مفكره فارس الاحلام
هيجي يخدك علي حصانه الابيض يلي ملطقة بفضيحه
يا فاجرة ده بعدك وانا اهو وانتي اهو دموع بحده : قولتلك غوري من وشي بدل ما اطلع بروحك انا مش طايقه نفسي ومش فارق معاية حاجه دلوقتي اووعي جتك مصيبه ولية عقربه
وزقتها وطلعت دخلت الحمام لمت شعرها وغسلت وشها وطلعت غيرت هدومها ولسه مرات ابوها بتشتم وتزعق بصوت عالي طلعت تدور علي ابوها واخواتها ..لقت واحده بتنضف البيت والتانيه بتعمل الاكل ..وكانوا سامعين كل حاجه وبيضحكوا بصوت واطي : ايه ده يا دموع ايه ده انا معرفتكيش ده انتي غسلتيها دموع ضحكت بهبل : وربنا ماانا دي اختي ندي انا ذات نفسي مستغربه نفسي ههههههه : اتعلمتي الردح ده فين يا دموع : صباح مدرسه يا بنتي
: صباح مين : لا دي قصه طويله يلا يلا سيبوا الي في ايدكم تعالوا محدش يعملها حاجه الولية الي عايزة الحرــ,,ـق دي
هننزل نشتري اكل وكل الي عايزينه ونفسكم فيه
يلااا … بابا فين : في الغيط : انا رايحه ليه هعرفوا ان احنا خرجين علي ما تلبسوا يلا بسرعه
دموع طلعت راحت نحيت الاراضي الزراعيه وهي بتاخد نفس عميق وفتكرت امها الي كانت تسيبهم في الارض مع ابوهم وتروح تجيب لهم الغدا وكانت حياتهم بسيطه
وبتسمت بحزن ودعت لها بالرحمه فاقت من شرودها وشافت الحريم بتبص عليها وتشاور ويهمسوا لبعض
رفعت راسها بغرور ومشيت تتمخطر وشعرها بيطيروا
الهوا حوليها وجمالها منافس قرص الشمس وهي بتدعي سيف يفوق بسرعها عشان ينتشلها من هنا .. وصلت عند ابوها : ربنا يعينك ابوها شافها وبتسم بفرحه : تعالي يا دموع تعالي بقالك كتير مجتيش الارض من ساعت ما مشيتي وخيرها قال
يا دموع ..قال الاخيره بحزن وهو باصص في الارض بندم وحسرة
دموع قربت منه وهي بتتنهد بهم : الي حصل حصل يا بابا ده كان نصيبي ووصلت لها رساله فتحتها : وزتي انا خدت رقم حسابك من ندي وحولتلك علية مبلغ صغير عشان لو عوزتي تجيبي حاجه لحد ما ترجعي ماشي يا قلبي ♥️♥️ دموع ابتسمت بهدوء وفتحت رساله البنك الي لسه وصله علي تليفونه ولقته محول 50 الف جنيه
هزت دماغها علي جنونه : مبلغ صغير هتفضل فارس الالفي مش هتتغير هههههههه قفلت الفون وبصت لابوها : بابا انا جيت اعرفك اني هنزل اشتري شوية حاجات انا واخواتي هتجي معانه ولا لا
: روحي انتوا يا بنتي انا لسه ورايه شوية شغل بس متتأخروش ماشي : ماشي عن اذنك : سامحيني يا دموع انا ظلــ,,ـمتك يا بنتي . : عادي مش زعلانه يمكن لو مجوزتنيش وانا صغيرة مكنتش وصلت للي انا فيه دلوقتي حلو اوي وحش
..وفي سرها ..ومكنتش قابلت سيف …
ومشيت راحت عند البيت ولقت اخواتها مستنينها و اول ما شافوها ضحكوا بحماس وخرجوا مع بعض راحت البنك الاول سحبت فلوس وعملت لكل وحده حساب باسمها وحطت لكل وحده فيهم 25الف جنيه و غدتهم واشترت حاجات نقصها واشترت لاخواتها كل الي نفسهم فيه وكل ده من فلوسها مجتش جمب فلوس فارس واشترت لاخواتها الصغيرين مش هتخدهم بذنب امهم ورجعوا علي المغرب وشايلين شنط كتيير مرات ابوها شافتهم ودمها اتحرــ,,ـق وقعدت تلقح بالكلام دموع طلعت حاجت اخواتها الصغيرين : تعالوا شوفوا جبتلكم ايه اجروا يلا
: تعالوا هنا محدش ياخد منها حاجه احنا عرفين فلوسها دي جيباها من فين .. : ي ولية قولتلك اكتمي انتي مبتحرميش : سيبها وايه الجديد ..دي فلوسي من تعبي وشقايه وسهري ليالي وانا بخلص شغل وصحياني من النجمه
ده تعب خمس سنين ولا انتي مش بتشوفي اسمي
تحت الاعلانات في التلفزيون يا مرات ابويه
اه صح نسيت انك جهله مبتعرفيش تفكي الخط اخوها الصغير : انا بشوفه يا دموع وفضل اقول لصحابي ده اسم اختي محدش بيصدقني ..
دموع ابتسمت : انا هاجي بكره معاك المدرسة واطمن علي مستواك وفرجهم كمان الاعلانات وهي بتتصور
عشان يصدقوا يا علي ايه رايك بقا علي فرح وحضــ,,ـنها بحماس طفولي وهي حضــ,,ـنته بحب وقلب ام مشتاق لطفل وحسره علي سنينها الي راحت
هباء … مر يومين علي رجوع دموع و الاخبار اتنشرت في البلد ان دموع رجعت وعلي قلبها فلوس قد كده وحطت لاخواتها فلوس في البنك وجبتلهم شئ و شويات و اخواتها راجعوا وكل واحده جوزها طمعان في فلوسها وعز اختها الي غرقتهم فيه وكل واحد عايز من الحب جانب
بس ابو دموع مرضيش يرجعهم غير لما رد حقهم وحق دموع وطلع عينهم مره واتنين لحد ما اتوسط ليهم راجل كبير في البلد وسمعوا تسجيل طليقها والحقيقه بانت .. دموع اليومين دول مروا عليها عذاب وسهر ندي كانت كل شوية تكلمها ويفضلوا يرغوا وــ,,ـفارس ساعات يدخل معاهم في المكالمه وعرفت ان سيف لسه مافقش
دموع كانت سهرانه وقعده فوق السطح وبصه للنجوم والقمر ودموعها نزلت : قوم بقا يا سيف متوجعش قلبي
عليك كفاية الندم الي حسه بيه والذنب الي بي.ني كل
يوم اشت.ك اوي وشتقت لعيونك وصوتك وريحتك
وشهقت ودموعها نزلت اكتر شغلت التسجيل الي فارس
بعتوا ليها وهي بتقلب في صور سيف علي انستجرام
وشهقتها بتزيد وشتياقها وحزنها .. فات اسبوع وهي مش قدرة تتأقلم علي الحياة دي الي كلها روتيين وملل وكل يوم خناق مع مرات ابوها ويجي
عليها الليل دموعها مش بتجف وناــ,,ـر الاشتياق بتكويها ..
سيف فاق بعد مرور 15 يوم في العناية المشدده وتنقل اوضة عادية وشافهم كلهم حوليه الا دموع وغمض عنيه بحزن وفكر لهفتها عليه يوم الحدثه حلم من احلامه صباح كانت متفقه معاهم محدش يعرفه ان دموع سفرت غير لما يشد حيله وبعد كده هو حر ..رحبوا بيه وفضلوا قعدين حوليه بفرحه سيف شاور لتميم الي قرب منه بسرعه : عايز اخرج من هنا : يا سيف انت لسه خارج من العناية مكملتش كام ساعه خليك يومين تلاته
: يا تميم مشيني من هنا انا كويس مش عايز اقعد في المستشفي يلاا تميم اومأ بهدوء وراح يشوف الدكتور ..
