رواية دموع السيف الحلقة الثالثة والعشرون
الباب خبط وكلهم بصوا لبعض بخوف صباح وقفت بقوه : ايه مالكوا وشكم صفر كده ليه هيكون مين يعني وبعدين انا عايزه حد يعمل حاجه عشان اجيب اجله وراحت فتحت الباب الحارس: في ناس تحت بيقولوا انهم اهل المدام دموع وجايين يتكلموا معاها بالتفاهم من غير شوشره نخليهم يطلعوا ولا لا يا فندم صباح بصت لدموع الا اومأت لها بهدوء : خليهم يطلعوا وتعاله معاهم الحارس هز دماغه و فتح اللاسلكي : ايوه خليهم يطلعوا انا واقف مش هتحرك من هنا
طلع ابو دموع وعمها وابن عمها ودخلوا قعدوا ودموع واقفه وجنبها صباح وندى رائف بهدوء : ايه مش هتسلمي على ابوك يا دموع دموع قربت وباست ايد ابوها : اهلا يا بابا بس انت فاكر ان ليك بنت اسمها دموع اصلا وايه غيرت رايك مش عايز ت.ني خلاص : ومين قال اني عايزه ا.ك انت اتطلقتي وكان لازم ترجعي بيت ابوكي أ.ك وافضل عايش بعارك طول العمر ويبقى كلام طليقك حقيقي : بس مش ده اللي وصل لي
: انا ما ليش دعوه باللي وصل لك انا ليا دعوه باللي انا نازل وسايب بيتي وارضي عشان اعمله اخواتك هيطلقوا بسببك رجالتهم مصدقين الكلام اللي طلع عليك وانك هربتي مع عشيقك ابن عمها اتدخل : طليقك كلمني من تليفون الحارس وعرفني الحكايه كلها وانه كان غلطان واتهمك بالباطل وانا سجلت له المكالمه وهنسمعها لاي حد يفكر يتكلم عليك ويقول دي هربت كفايه مالنا وحلالنا اللي هملنا ثلاث شهور واحنا بندور عليك واتحبسنا واتبهدلنا في الاقسام على اخر الزمن ارجع واقول العيب مش عندك العيب على شبيه الرجاله اللي ابوكي جوزك ليه وامنوا عليك
ندى بقوه : واحنا ايه يضمن لنا انكم مش بتعملوا كده عشان ترجع معاكم وتأذوها في بلدكم ولا من شاف ولا من دري جابر ابن عمي دموع : احنا مش عايشين في غابه يا استاذه احنا دورنا عليها عندكم اتحبسنا ثلاث شهور ما بالك لو .ناها الدنيا هتتقلب علينا وبعدين اهو المكالمه عشان تصدقي ان احنا مش شايلين منها ولا عايزين ناذيها احنا عايزينها ترجع بيت ابوها معززه مكرمه وترفع راسها وراس اخواتها البنات بعد عمله جوزها الشينه
صباح : انا لا يمكن ائمنكم عليها كفايه بقى سيبوها في حالها البت اتبهدلت بسببكم وبسبب ان ما لهاش اب ولا اخ يدور عليها عاشت تمن سنين في ذل وقالت ناــ,,ـر حماتي ولا جنة مرات ابويا ودلوقتي افتكرتم
ان لكم بنت يا اخي قطعوا
عمها الكبير اخيرا اتكلم : اخويا لو كان راجل دلدول حكمت عليه المراه ورمى بنته فده خلاص انتهى دموع هترجع على بيتي وتعيش معايا وفي كنفي ومش هسمح لاي حد يدوس على طرفها كفايه اللي حصل لها بعد مــ,,ـوت امها الست الاصيله يلا يا دموعي يا بنتي خلينا نرجع بلدنا وكفايه اللي حصل لحد كده اخواتك بيوتهم هتخرب وانت وهما مالكمش ذنب وبلاش الي اتكتب عليك يتكتب عليهم قولي لي لا وانا هروح اقول لهم بنتنا ماتت وكله في ايدك يلا ورانا قطر فكري وردي عليا…
صباح وندى وكل اللي واقفين كانوا باصين لدموع بخوف وقلق دموع بصت لهم كلهم ودموعها في عينيها وبصت لعمها : لا يا عمي…. انا هرجع بيت ابويا تسلم وتعيش بس انا بنته ومسؤوله منه بعد كده كفايه طول عمره مش سائل على واحده فينا جه الوقت اللي يشيل بناته واخواتي انا مش هارضه ليهم الاذى عن اذنك هجهز نفسي وراجعه معاكم ندى صرخت : لا يا دموع لا مش هسيبك ترجعي معاهم اخواتك ايه دول مش بيسالوا فيك اصلا
دموع بحزن : اخواتي يا ندى في الاول وفي الاخر اخواتي صباح حضــ,,ـنتها : لو في اي حاجه حصلت لك ولا حد زعلك رني عليا وانا هاجي اخدك من قلبهم دموع ابتسمت من وسط عياطها وهزت دماغها عمها وقف : يلا هسيبك تسلمي على حبايبك على راحتك مستنيك تحت يا بنتي ياسمين حضــ,,ـنت دموع : متاكده انك عايزه ترجعي معاهم يا دموع : لازم يا ياسمين هستناك تعزميني على فرحك ياسمين هزت دماغها بين دموعها ورجعت حضــ,,ـنت دموع تاني
دموع حضــ,,ـنت مها : هتوحشيني يا طنط مها وشكرا على وقفتك معايا الفتره اللي عدت واسفه لو كنت سبب اذى سيف انا خلاص مسافره ما حدش هيتاذي تاني بسببي مها بحب : بس يا حبيبتي ما تقوليش كده ده مقدر ومكتوب وسيف هيقوم بالسلامه ان شاء الله دموع حضــ,,ـنت ملك بحزن اللي كانت بتعتذر لها بهمس ودموعها نازله ندى كانت واقفه على جنب وبصه لدموع بغضب دموع قربت منها : خلاص يا ندى بقى ما تزوديش هم كفايه عليا اني هسيبكم بعد السنين دي كلها هستنى فرحك انت وــ,,ـفارس هتوحشيني يا ندوش
وشهقت بغصه وندي حضــ,,ـنتها بقوة والاتنين صوت عياطهم عالي … دموع خدت مشاكس من الارض وقربت من ياسمين : ادي لسيف انا متأكده انه هيحبه زي ماانا بحبه ومقدرش اعيش من غيره … ياسمين خدته منها وفهمت قصدها وبتسمت بحب دموع دخلت لمت هدومها الي سيف جابها ليها ودموعها نزله خدت تليفونها ونزلت من غير ما تبص وراها كفاية صوت عياطهم ابن عمها جري عليها خد شنطتها : عين العقل يا بنت عمي يلا قبل ما القطر يفوتنا ..
دموع بصت لفوق شافتهم كلهم وقفين وشورت لهم وركبت التاكسي الي طلع علي محطة القطر دموع وصلت بلدهم واول ما دخلت البيت اخواتها الكبار جريوا عليا وحضــ,,ـنوها ودموعهم نزله مرات ابوها بغل : اهلا بالست هانم الي جابت لنا العار ابو دموع قرب منها بعصبيها ونزل علي وشها بالقلم : كفاية سم بقا اتا بنتي اشرف من الشرف ولي هيتكلم عليها نص كلمه هقطع لسانه واولهم انتي غوووري اخفي من وشي ولية عقريه دموع بصت لابوها بحزن وفي بالها ..اخيرا فكرت تدافع علي وحده فينا من لسانه مراتك العقربه زي ما بتقول
وقعدت واخواتها حوليها الكبار والصغيرين من ابوها وهي بتسأل عن حالهم وقبل ما تدخل تنام راحت لابوها : بكرا الصبح عايزة اروح البنك معاية مبلغ كنت شيلاه علي جمب عايزة اسحبوا عشان تجيب كل وحده من اخواتي زيارة
لم تيجي ترجع بيتها ودافع عنهم وقولهم بناتي تربيتهم نضيفه زي امهم الله يرحمها ورد حقهم مترجعهمش بالساهل رجعها معززة مكرمه ابوها بص في الارض ومقدرش يرد عليها و اومأ بهدوء راحت اوضتها القديمه لقت اخوتها فرشين في الارض وسيبين لها السرير تنام عليه ..
دموع ابتسمت بحنين ونامت علي سريرها بهدوء ونامت علي مخدتها ودموعها نزلت بصمت وكان نفسها تفضل
جمب سيف لحد ما يفوق وتطمن عليه .. تاني يوم الصبح فارس روح شقته يغير هدومه ويرجع المستشفي تاني .. وشافهم قعدين وباين عليهم السهر والحزن مخيم علي ملامحهم … : يا حول الله يا رب قعدين في جنازة ولا ايه انا اخوية كويس وهيقوم بسلامه هتفوله عليه ليه بس محدش رد عليه فارس استغرب : هو في ايه ودموع فين هي تعبت تاني ولا ايه حد يرد عليا يا جدعان اله
ندي بدموع : دموع مشيت مع اهل خدوها بليل ورجعت بلدهم فارس بصدمه : انتي بتقولي ايه انتي سمعه بوقك بيقول ايه ولا انا بيتهيألي اهل مين وبلد ايه دول كانوا عايزين ي.وها انتي عبيييطه