2 سيف حط ايده ف جيب بنطلونه وضغط ع كفو : اه طبعا تنور بس احنا طالعين شغل حسين حط ايده ع كتف دموع بتملك : اه ما دموع هتشتغل معاكم بالنهار وبالليل ده بتاعي بقا اعتبرو شهر
عسل متأخر سيف اومأ وهو بيتنحنح : احم اه اه طبعا تمام ماشي انا هعرف الإسستن عشان تحجز لكم ..احم اتفضلو طيب حسين : لا ي دوب انت تروح تنام بقا عشان تعرف تصحي بدري وانا بقا هشوف قمري الي غايبه
عني اسبوع دي
1
دموع بصة ف الارض بإحراج وسيف بقا اعصابه كلها تتنفض من كتر ما ضاغط ع نفسو : تمام عن اذنكم ودخل وقفل الباب ف وشهم واول ما دخل ادي ضهرو للباب وغمض عنيه بغضب وهو بيشد ف شعرو
2 خد نفس وهو بيهز دماغه وكأنه بيهدي شياطينه الي عايزة تخرج تخدها وت. حسين ..
فتح عنيه وشاف فارس واقف قدامه وهو ماسك فنجان النسكافيه ف ايده وبيبص له بحزن سيف بخشونه : اعدل نظراتك دي عشان منزعلش مع بعض ايه بتشفق ع حااالي ولا ايه يااه تغور مرااه
تيجي مليون
فارس رفع كتفو لفوق : انا متكلمتش ي برو سيف زفر بحنق ودخل كالعادة خد السجاير والوسكي
وقعد ف البلكونه .. فارس فتح الواتس وبعت لندي لما حس نفسه
مخنوق : ندي صاحية ولا نمتي ندي كانت قعده تتقلب ف السرير وهي اللمحات الي بتشوفها مجننها وحسه مش متأكده ان فارس وحشها
سمعت صوت المسدچ وخدت الفون وقلبها نبض
لما لقتها من فارس هدت نفسها : صاحيه ي فارس : بتعملي ايه : مش بعمل بحاول انام بس قلقت
: ليه ي بابا مالك : بابا ..! : مدقيش بقا ي ندي هي دي طريقة كلامي
مش عجباكي اغيرها 🙄 : طب ي خويا لا متغيرش 😏 : طب اعدلي وشك ي اختي وقليلي مالك : عايزة اعرف ايه الي حصل لما كنت عندنا : هعرفك : عرفني : تمام بعدين المهم : المهم : انا عايز احكيلك حاجه بس متردد هتحفظي السر ولا لا ندي اتعدل بتركيز : في ايه قلقتني اوعه يكون موضوع تافهه ف الاخر ه.ك 🔪
: اوعه وشك 😂 : طب اخلص الفضول .ني : انا مش عارف اعمل ايه وتميم قالي اكتم ع الموضوع
بس انا مش قادر : احيييه هو تميم حكالك ع ياسمين 😳 : ياسمين ؟! ندي خبطت ع وشها : ي نهار اسود انا شكلي بوظت الدنيا ..
1 : اصلي حصل حوار كده قديم هبقا احكيلك المهم ف ايه ي فارس بجد .. : سيف : مالو : اممم مش عارف اجبهالك ازاي بس اخوية مقهور ي ندي
: يخربيت سنينك انجز ي فااارس : خلاص متزقيش ده انت بنت صباح بجد : مش هرد عليك 😒 قول سيف مالو : بيحب دموع : ………. كان الصمت الرد الوحيد بعد ما ندي خدت الصدمه مع شهقه طلعت من قلبها : ندي انتي سكتي ليه : ي بنتي ردي : ندي فينك : ي نهار اسود انتي يا مصيبه : معاك : خضيتي ميتيني : والله محد خض ميتيني ف قبورهم غيرك ايه الي انت بتقوله ده
: زي ما سمعتي : ازاي ولا منين ولا ايه بالظبط انا مش عارفه اجمع فارس قعد يحكيلها الي حصل وف اخر كلامه بعت لها حته من الفيديو بعد ما قصو لما سيف شال دموع بس : ندي يالهووي يالهووي انا مش مصدقه وربنا 🥺 انت بتقول ايه وااااايه ي زفت الطين الي خلاك مصور الحزن ده : انتي ف ايه ولا ف ايه وبعدين الفون كان بيصور وحديه المهم هنعمل ايه انا حابب اساعد سيف
وبعدين دموع حياتها مش احسن حاجه يعني
: بص ي فارس الموضوع ده مينفعش نتكلم فيه دي متجوزة بعيد عن انه جوزها واطي وابن كلب ومتخلف بس متجوزة هنخدها من جوزها عشان نجوزها اخوك يعني