رواية دموع السيف الحلقة الرابعة والعشرون
دموع دخلت مع سيف الشقه وفضلت واقفه مكانها بتوتر سيف اتعداها وقعد على الانتريه وحط ايده على ص.دره بألم ورجع راسه لورا وهو بيفك القميص دموع كانت داخله اوضتها بس لمحت الغيار الطبي اللي كله دم وقربت من سيف بخوف : انت كويس اتصل على فارس ينقلك المستشفى
سيف ضحك في نفسه : عشان يفضل شمتان فيا العمر كله اخويا وانا عارفه ويقول لي وديتك المستشفى ليله دخلتك “وبإستغراب” هي فين دخلتي دي ليه حاسس ان فرحتي ناقصه حاسس ان في حاجه غلط في الموضوع يمكن لسه شايل منها بسبب اللي قالته يوم حادــ,,ـثه فارس ولا عشان الجوازه جت اسرع مما كنت اتخيل او عشان حاسس انها مش هتكون معايا زي ما حلمت او عشان حاجات كتير ملخبطه جوايا انا مش فاهمها بس اللي متاكد منه ان دموع خلاص بقت مراتي حلالي ملكي انا وبس
دموع كانت واقفه قدامه وهي بصه في عينيه اللي جواهم حزن باين وبلعت غصيتها لما مردش عليها ودخلت جابت الغيارات الطبيه اللي كان بيستعملها
فارس وقربت من سيف.. سيف فاق من شروده : ما تتعبيش نفسك انا هغير لنفسي دموع بصيت له بغيظ وقعدت جنبيه : ما فيش تعب يا استاذ سيف اعتبرني زي مراتك سيف بص لها : انت مصدقه انك بقيتي مراتي اصلا دموع : والله ده اللي حصل وبقينا متجوزين المهم تكون انت مقتنع …..هو انت اتجوزتني ليه اصلا
سيف بص لها ورفع كتافه لفوق ببرود : مش عارف يمكن عشان قلت كلمه ولازم اكون قدها او زي ما قلتي عريتك في افكاري ولازم اصلح غلطي … دموع عضت على شفتها وهزت دماغها بالراحه وهي عارفه ومتاكده انه بيحبها بس مش قادره تقنع نفسها بكده يمكن عشان ما اعترفش ليها بحبه هيعترف ازاي وهي اخر حاجه بينهم هزقته قدام الكل
وهي بتطهر له الجرح بإحراج : امممم اللي حصل اخر فتره بينا والحاجات اللي شفتها وعرفتها واللي حصلت لي كانت كثير عليا اممم ويعني الكلام اللي قلته انا كنت منهاره ومضغوطه حقك عليا انا عارفه اني زودتهم بس كان غصب عني انا اسفه و عارفه اعتذاري ده مش هيرجع اللي حصل بس … وسكتت وهي مش عارفه تقول ايه : ممكن نفتح صفحة جديده
سيف بص لها وهو اصلا عنده تقريبا صدمه عصبيه مش متخيل انها قاعده جنبه وبتتكلم معاه لا وكمان مراته مش متخيل ان حبه المستحيل اللي تعبه ايامه ليالي بقت معاه ومراته لا و قاعده كمان بتغير له الجرح وبتعتذر له وعايزة تفتح معاه صفحة جديده
هو مش مستوعب كده
سيف رفع ايده بالراحه ورجع شعرها من على عيونها وهو بيتاملها وعيونه بتلمع وقلبه بيدق بسرعه : دموع بصي انا مش هغصبك على حاجه انت مش عايزاها وعايزك لما تقربي مش عشان ده واجبك اتجاهي لا انا عايزك تقربي مني وانت عايزه كده مشتقالي ونفسك فيه محتاجه حضــ,,ـني عايزاني اكون جنبك احنا لسه العمر قدامنا وهسيبك براحتك لحد ما تتعودي عليا انا مش مستعجل على حاجه ما تخافيش انا مش شهوتي اللي بتحركني دموع عضا شفتها : انا بجد اسفه خلاص بقى كلام طلع غصب عني في فتره صعبه
سيف اومأ براحه وهو بيربت على شعرها ومش قادر ينزل عينه من على ملامحها دموع خلصت وابتسمت ليه : دقنك طويل ليه كده سيف خد نفس : الفتره اللي عدت مكنتش احلى حاجه ومكنش ليا نفس اني اعمل اي حاجه اصلا بعيد بقى عن ده كله انا قلت مش هحلق غير لما تكوني مراتي واكون وفيت الوعد اللي في رقبتي العمليه تهدى شويه وهحلق لنفسي دموع بهدوء : انا ممكن اساعدك لو تحب : مش عارف هتلاقي هنا مكنة حلاقه ولا لا
: لا انا فاكره في الحمام هقوم اشوفها ثانيه واحده كان فارس بيجيبها دموع دخلت الحمام طلعت مكنه حلاقه جديده ومعجون حلاقه وخدت فوطه نظيفه وحطيتهم قدامه على الترابيزه ودخلت جابت طبق في ميه
دافيه وخرجت : يلا سيف اومأ من غير كلام قربت منه حطت الفوطه على ص.دره وحطت المعجون على دقنه وبدات بكل هدوء تمشي المكنه وتشطفها في الطبق وترجع تمشيها بهدوء على جلده وخلصت ومسحت وشه بالفوطه بابتسامه جميله : نعيما يا استاذ سيلفر ما تنساش تبقى تمضي لي بقى
سيف بص لها وهي بتتحرك وشالت الحاجه وحاسس انه في حلم جميل مش عايز يفوق منه دموع رجعت و معاها قزازه برفان : ما لقيتش غير برفاني ينفع ولا لا و قربت حطت في ايدها برفان وحطتها على وشه
سيف العقد حواجبه وابتسم دموع بخوف : ايه بتحرــ,,ـق