رواية دموع السيف الحلقة الثامنة
تميم طلع فوق ف مقر الشركة وهو شايل علبة كبيرة بين ايديه وخبط ع باب مكتب ياسمين ودخل ببتسامه جميلة من النادر لما تظهر : الاورد الي طلبتيه ي انسه ياسمين ياسمين وقفت من ع المكتب بلهفة : مرسي ي تميم مكنتش تعبت نفسك وطلعت كنت بعته مع عمو سعد تميم ابتسم بهدوء : تعبك راحه ي فندم ياسمين ابتسمت : اخيرا شوفنا ضحكتك ي تميم ايوة كده خلي يومنا يزيد حلاوة
تميم قلبة دق : وانا ضحكتي هتفرق مع حضرتك كتير  ياسمين بضحكه : يوووة كتير اوي انت ملاكي الحارس ي تميم من وانا صغننه وانت معاية زي ضلي اكيد
هحب اشوفك بتضحك وبتتكلم زينا انتي
مش روبووت وقربة من العلبة الكبيره الي ع المكتب وفتحت الكيس ولقت جواه كيس صغير تاني : ايه ده ي تميم تميم بتوتر حك رقبته : ده الدونتس الي بتحبي جبته عشانك ياسمين بضحكه : يالهوي ي نااس مش بقولك ملاكي عشان تعرف بس انك لما تضحك وتكون رايق
هتروق عليا انا مفطرتش اصلا شوفت بقا
تميم ابتسم براحة : بالهنا ي انسه ياسمين وطلبتلك قهوة موكا عم سعد زمانه جيبها افطري بقا وبقي احتفلي
بالمدير الجديد براحتكم عن اذنك ياسمين بفرحة : مرسي بجد ع اهتمامك اتفضل تميم خرج وقلبه بيتنطط من الفرحه وياسمين شخصيا بقت تتنطط من الفرحه جواه المكتب بسبب اهتمامه
الرقيق زيه فارس قعد جمب ندي وهو بيحاول يندمج معاها ف الشرح بس مش عارفه بسبب حركت شفايفها وايديها
وريحت برفانها الي جننه .. فارس : هو انتي نوع البرفيوم بتاعك ايه
5
ندي خبطت بإيدها ع وشها وبصتله : افندم احنا ف ايه ولا ف اااايه فارس : مالك ي طنط سؤال بسيط يعني ندي ضغطت ع اسنانها : دي تركيبة ي فارس بيه متعرفش انت الكلام ده فارس بضحكه : وربنا لو كلونيا خمس خمسات هتبقا قمر عليكي ي طنط ندي وقفت : مكنوش اربع خمس سنين دول الفرق عشان تقرفني طنط طنط
5 فارس : قولي لنفسك كل شوية كوكو ..كوكو هو ف ايه ي طنط ااااله
بمص صبااعي قدامك
ندي اومأت وقعدت بعصبيه : ماشي ي كبير ي عااقل هات الملف الي هناك ده وتعاله يلا فارس وقف : لا لا لا مش انا الي ف خيالك خااالص انتي عايزة تشوفي التوته قوليلي بلاش لف و دوران
6 ندي ببرود : يلا ي مهزق هات الملف ده وتعاله فارس بسخرية : مهزق حته واحده خالي بالك ده انا ابن صاحب العمارة احترميني شوية ندي : قوووم قوووم ي فارس بيه وكبر شوية فارس مشي بضهرو : حاضر ي طنط بصي ف ورقتك بقا متنحيش
1
ندي دعكت جبهتها بإرهاق وهي مغمضه عنيها : ولسه
5 فارس جاب الملف وقعد جمبيها تاني وندي رجعت تشرح له من اول وجديد ياسمين فتحت الباب : ايه ي حلوين عاملين ايه مع بعضى فارس : فاجرين اوووي ياسمين بنرفزة : احترم نفسك ي زفت ندي بتعب : خوديه انتي ونبي ياسمين جعت لوراه : لا مرسييي جدا كفاية البيت
ويلا انا بعت جبت تورته عشان هنحتفل بالمدير
الجديد روح نادي سيف ي فارس وانا هجمع
باقي الموظفين
دموع وقعت قدام رجولت سيف بالظبط وعنيها جت ع عضوه الواضح من تحت قماش البنطلون وتخضت
وبصتله بتوتر وخجل وعيونها بتلمع فيها الدموع
5 سيف لعق شفيفه وبلع ريقه بغصه وهو شايف منظرها تحت رجليه بالخضوع ده وتمنييي حاجات كتير
اوي اولهم ان الوقت يقف فاق من شرودة ع صوت الباب بيتفتح ودخل فارس الي اول ما شاف منظرهم لف ورجع تاني : احيييييه ع كسفتك
ي حازم حااازم ف الشركة ي برووو
5 سيف قرب من دموع بسرعه قومها من الارض : انتي كويسة
دموع بخجل بصت ع رجلها : اه كويسه ركبتي اتعورت
بس سيف قاعدها ع الكرسي : طب تعالي اقعدي هناا دموع فكت ايدها من ايده : انا كويسه ..الفايل اهو بعد اذنك بقا .. سيف غمض عنيه ومسح وشه بقهر وبص ع فارس الي مديه ضهرو وواقف ع الباب مركز مع دموع وهي ماشيه بتعرج : تعاااله ي زفت عاايز ايه فارس دخل وهو بيمسح رقبته وبيضحك ضحكه صفراه وغمز لسيف : اايه انت سيف ببرود هز دماغه : اناا ايه متنحش دي كانت وقعه
فارس ضحك : وقعه ولا قطعت عليك اللحظه سيف بعصبيه : فاارس امشي ي فاارس الله يصلح حال امك الي جبتك ع اخر الزمن امشششي فارس ضحك بصوت عالي : متغاظ شيفك يلا مني انا متغااظ ده انا حتي اخر العنقود يسطاا سيف كتم ضحكته : جاي ليه وتاني مرة ابقا خبط ع الزفت فارس اومأ : ماشي ي برو وجاايه ليه عشان سنفورة هانم عملالك حفلة صغيرة بمناسبة تولي سيادتك
دور المدير البارد الثقيل 😊 وهو بيضحك ببرود
سيف عض ع شفته وقرب من فارس الي طلع يجري : طب يلا بقا استأذن انا اللهم بلغت اللهم فشهد وطلع يجري وسيف قعد ع الكرسي وهو بيبص ف الارض وشابك صوابعه ف بعض ورفع عنيه وبص ع المكان الي وقعت فيه وعض ع شفته قام وقف ورجع شعره لوراه
وهرب من المكتب بسبب طيفها وريحتها الي مالت
المكان … طلع سيف ولقاه كل الموظفين متجمعين ف الرسيبشن حولين التورتة الكبيرة وكلهم سلموا عليه ورحبوا
بيه وف بنات اتصورت معاه ودموع وندي
قعدين جمب بعض دموع لسه وخده الصدمه وندي بتدلك بين عنيها : ااه ع الصداع الواد المجنون
ده هيخوتني دموع ابتسمت : طب والله عسل ندي بنرفزة : خديه يختي خدددديه فارس وهو شايل طبقين من الجاتو : لا عايزك انتي طنط ي اما مش لاعب ندي غمضة عنيها بوجع : يالهووي عليا وع سنيني السودة دموع ضحكت بصوت عالي : بقا كده ي فارس مش عايزني دلوقتي انت ع فكرة مالكش صاحب
ي خسارة كيك الشكولاته
فارس عض ع شفته : يالهووي ي ناس وانا اقدر بس انتي متجوزة بقا يدموع خليني ف مز العاذب ده دموع ضحكت تاني : وشك عليها يلا هروح مكتبي ندي : ي بت انتي ي بت دموووع ماشي ي بت كوم شكاير الغدارين دموع طنشتها وهي ماشيه بتضحك بصة ع سيف وشافت البنات لفه حولية وبيدردشة ومبتسم لهم
ابتسامه تهبل وسيف رفع عنيه وجت ف عنيها دموع لفت وشها بسبب الموقف المحرج وبسبب تاني جواها وهو تغير سيلفر من نحيتها وبرودة معاها
واسلوبه وطريقته واهو واقف يضحك ويدردش
والدنيا حلوة ….
دخلت دموع مكتبها وفضلت رايحه جاية وهي مش عارفه مالها عايزة تطلع تصوت ف وشه عايزة
تجيبه من شعره متغااظة منه ومتعرفش
السبب وقعدت تخلص باقي الشغل الي
معاها شغلها الاساسي مش الي طلبة
سيف منها ..وبعد مرور ساعة سمعت الباب بيخبط ودخل سيف هي فكرت ندي ولا ياسمين او حد من الموظفين وسمحتله بالدخول
من غير ما ترفع عينها .. سيف : شكلك مشغوله دموع فتحت عنيها بصدمه ووقفت بسرعه : هاا لا ابدا خير
سيف اومأ بهدوء وقعد حط رجل ع رجل قدام مكتبها : كل خير حبيت اعتذر عن طريقتي الصبح كنت مضايق شوية وبسبب اسلوبي كنتي هتتأذي .. دموع هزت دماغها برفض : حصل خير سيف : تمام لسه جاي لي بطاقة دعوة لحضور افتتاح الفندوق الي صممته اعلان ليه ومطلوب حضور
المدير والمساعد التنفيذي والمصممين
للحفلة وكمان عشان في لقاء صحفي دموع لعقت شفتها بهدوء : بس انا مش بحضر حفلات سيف ف باله ..حقك متحضريش حفلات مانتي متجوزة
بني ادم براس تور ي حلوة
سيف وقف : والله ده شغل ولازم يتنفذ اتصرفي وبعدين كله عشان نجاح الشركة الي انتي متوظفه فيها
عن اذنك ..وساب لها ع المكتب علبة صغيرة وخرج دموع شدت شعره بغل وقربة من العلبه فتحتها لقت مرهم مضاد حيوي مكتوب عليه ادهنيني
ولزق طب مكتوب عليه اللزقيني
بخط مميز اوي
5 دموع ابتسمت بكسوف وعضت ع شفتها سيف شافها وهو معدي من قدام قزاز مكتبها الي بيودي ع طرقه فيها مكتبه ومكتب ياسمين وبتسم بغرور
وكمل لمكتبه
خلص اليوم بين شد وجذب وإرهاق لكل الاطراف معادي ياسمين وــ,,ـفارس المرطقع … روحت ندي ودموع بعد ما طلبو اوبر مع بعض لحد قبل الحارة بشوية …وقبلتهم ملك الي كانت ف محضرات
تالته ثانوي بعد ما ندي اصرت عليها تكمل تعليمها
الي سبته من سنتين .. ملك حض.نت دموع : عمله ايه ي دودو وحشاني مش بتيجي عندي خالتي ليه ابقي تعالي اسهري معانه
شوية انا وندي الي مش بتعمل حاجه غير
انها بتسمع اغاني وترقص طول الليل لحد
ما زهقتني
ندي بصتلها برفعة حاجب : ده انتي شيلة ومعبية اوووي ي بت دموع ضحكت : حاضر ي كوكو هشوف حسين وبقا اجيلكم شوية .. وكملوا الطريق وهما بيهزرو مع بعض وحسين كان قاعد ع القهوة هو واحد صاحبه وشافهم … دموع رفعة عنيها وشافت نظراته الضحكه اختفت من ع وشها وبصت ف الارض بتوتر ندي شافت منظرها وبصت جمبها وشافت حسين قاعد وحواجبه معقودين ١١١ عقده : يختيييه مش هنخلص
ربنا يعينك ع ما بلااكي ي اختي
ملك بصت وراها ووشها احمر وبهدوء : اييش عرفك انتي ف الحب دي غيرة ي ندي غيررة العاشق
لمعشووقه ندي : ونبي حد يسكت البت دي بلا معشوقة دموع التسمت براحه : مالكيش دعوة بيها يلاا سلام مالك بحب : بااي ي قلبي هستناكي بليل وودعتهم وطلعت شقتها غيرة هدومها ولمت شعرها ولبست قميص واسع ودخلت المطبخ وبدأت تحضر
الغداء بسرعه عشان ساعه وحسين هيفتح بقو
زي البلاعه ويفضل يجعر .. نص ساعه وحسين دخل رما المفاتيح ع التربيزة : عامله ايه ي ست الستات ي هانم
دموع رفعة عنيها بتوتر : الحمدلله ي سينو انت اخبارك ايه حسين وقف ف مدخل المطبخ : انا فل اوووي مالي مراتي ماشيه تضحك وتتمرقع ف الشوارع
و انا قاعد زي الخروف ده انا زي العسل دموع غمضت عنيها وسكتت عشان تعدي يومهاا بدون اصابات : العفو ي حسين ماعاش الي يقول عليك كده حسين اومأ : غلطاتك بتكتر ي دموع وسابها ومشي وهو بيقلع هدومه ..حطيلي اطفح يلاا دموع وقفت تشتغل وهي عايزة تخلص ف اسرع وقت عشان يومها يعدي بسلام كفاية ضغط الشغل
حسين خرج من الحمام وقعد ع كرسي الانترية وهو بيفتكر كلام صاحبه .. مجدي : هي مين الي ماشيه مع مراتك وصاحبتها دي ي سحس حسين بقرف : بنت خالت العقربة مجدي : ده البت ي جدع بقالها بتاع اسبوع هنا اهو كل يوم ف الريحه والجاية مش شيله عنها من عليك حسين بصلها : بس ياعم هي نقصه هبل مجدي : طب والله البت شكلها عينها منك حسين : والمفروض اني اعمل ايه مثلا
مجدي : المفروض اني دي عيله هبلة زي ما بتقول استغلها لمصلحتك وخليها العصفور بتاعتك الي وسط
مراتك والسنيورة التانيه الي عمله فيها
بنت بارم ديله دي … حسين : طب وهي هتيجي معاية سكه مجدي : بقولك اضحك عليها يسطا كل بعقلها حلاوة وقع منها الكلام الي انت عايز تسمعه ..وبسخريه .ولا مش هتعرف وبعدين دي شكلها وقع اصلا حسين : انا مروح عشان شكلها السجارة هبت ع دماغك حسين فاق من شروده ع صوت صرخت دموع جري عليها ف المطبخ : ايه ف ايه بتصرخي ليه
دموع لفت معصمها بوجع : ايدي اتسلعت ف الحله وانا مش وخده بالي عايزة اخلص بسرعه وحطلك الاكل حسين : عمله ده كلو عشان اللسعه دي روحي طيب حطيها تحت ماية برده ولا ادهني معجون سنان
وبطلي محن دموع : محن ماشي ي حسين شكرا اتفضل اطلع برا بقاا حسين : طب ي سنيوره دموع وقفت وسندت ايديه ع الحوض وبصت قدامها بشرود … خدت خدش ف رجلي جبلي مرهم وجوزي
شفني محروقه بيقولي بطلي محن ي تارة هو الي اوفر ولا جوزي الي حلوف …يوووة بقا انا بفكر ف ايه اصلا
7
خلصت دموع الاكل بعد ما لفت ايدها وطلعت حطت له الغدي وقعدت كلت معاه وقامت عملتله شاي وغسلت المواعين ودخلت تاخد شور … طلعت بتنشف شعرها وقربة من حسين وقعدت جمبه
: حسين حسين ببرود : همممم دموع بهدوء : كنت عايزة اروح عند ندي شوية حسين بخشونه : ايه اشتق.تلها مهي ف وشك الاربعه وعشرين ساعه لا مفيش نزول دموع بخفوت : معلشي ي حسين وبعدين انا هروح عشان مالك بقالها شوية تتحايل عليا اروح لهم
دي غلبانه وطلعه من موضوع وحش وعايزة
اكون جمبها
حسين بفضول : موضوع ايه