الهوا خلاص إتعكّر! ناظرتهم الأخيرة بضيق بينما طالعتها إسراء بغل و ضـ,ـربت كتفها بكتفها و هي تسير، كانت أعين ليل متعلقة بـ دليلة التي تجاهلت وجودها تصتنع إنشغالها بأمرٍ ما، إقتربت منها ليل و جلست على المقعد أمامها: ماما إنتِ زعلانة مني؟ صمتت دليلة للحظات قبل أن تقول بضيق حقيقي تتجنب النظر لعيناها: – أنا مربتكيش على الإسلوب ده يا ليل. مربتكيش على الضـ,ـرب و الشتيمة، أنا حسيت إني مش واقفة قصاد بنتي! إنهمرت ليل في البكاء تقول و جـ,ـسدها يرتجف:
– حضرتك متعرفيش هي عملت معايا إيه أيًا كان اللي عملته إسراء. مكانش ينفع تمدي إيدك عليها! قالت بحدة و هي تنظر لها، فـ أنكست الأخيرة رأسها تبـ,ـكي و تشهق كالطفلة أمام توبيخ والدتها، حنت دليلة عليها فـ ربتت على كتفها تقول برفق: – خلاص إهدي متعيطيش. إحكيلي حصل إيه! رفعت رأسها لها و نظرت حولها فوجدت الخدم منشغلين يتحدثون مع بعضهم البعض، لتبدأ في سرد جل ما حدث منذ بداية دلوفها للغرفة و إعترافها بأنها كانت تحاول أن تكيد لهما وقيعة بإرسال صور إلى ريان، صُدمت دليلة، و لم تستوعب ما تقول.
و عندما إنتهت قال بصعوقٍ: – هي عملت كل ده؟ و ده طبعًا عمل مشاكل بينك و بين ريان! إكتفت بالإيماء. لا تريد سرد لها المشكلات التي مروا بها سويًا، أخذتها دليلة في أحضانها تتنهد قائلة: – عشان كدا ريان مش حاساه مبسوط. يخربيتك يا إسراء. بصي يا حبيبتي إوعي تتعاملي مع سيف أبدًا لا من قدام ريان و لا من وراه، سيف بردو تحسيه بيلعب كدا و مش راكز. عشان نتجنب إنها تحاول توقع بينكوا تاني!
ثم غمغمت: – مش إنتِ بقيتي كويسة مع جوزك إمبارح؟ إرتبطت الأخيرة بخجل و لكن أومأت لها و هي لاتزال في أحـ,ـضانها، فـ قال دليلة بإبتسامة: – دي أهم حاجة دلوقتي، حافظي على بيتك و إوعي تخليها تهدُه. إنا عارفة إنك بتحبي ريان و أنا متأكدة إن هو كمان بيحبك و بيمـ,ـوت فيكي. ريان بس محتاج طريقة تتعاملي بيه معاه. ساعتها هتكسبي قلبه و كيانه كله! ثم أخذت كفها تقول بحب: – يلا عشان نفطر سوا
أخذتها و جلسوا على السفرة مع سهير و إسراء. سهير التي تضايقت من معاملى دليلة لها تقول بحدة: – إيه يا دليلة. بتعامليها يعني كإن مافيش حاجة حصلت صمتت ليل، بينما قالت دليلة بذكاءٍ: – عايزاني أعلقلها حبل المشنئة يعني يا سُهير. دي مهما كان بنتي و الإتنين غلطوا و خلاص ثم ربتت على ظهر ليل تحثها على الأكل، تقول قاصدة مضايقة إسراء: – كلي يا حبيبتي. إنتِ خاسة و عدمانة، و إبقي قولي لـ ريان يخف عليكي شوية!
********* يتبع….