سيف عض علي شفته وهو بيحاول يتحكم في غضبه : ابعدي عني في وقت غضبي يا دموع مش حابب ازعلك ولا اجرحك بكلامي ..
دموع قربت منه : يا سيف اسمعني بلاش يبقا الحوار بينا كده تعاله فوق ونتكلم براحتنا
: وانتي مفكره اني هقعد وتكلم معاكي في اي حاجه تخصنا قدام اي حد اين كان مين هو وبعدين انا اصلا
مش عايز اتكلم في الحوار ابن المرا ده ..
ولف خارج من البيت دموع مسكت دراعه : انت رايح فين
سيف بص لها برفعة حاجب : ايه خاايفه عليا احسن اضرــ,,ـب
: اه خايفه عليك ومش عايزة حياتي القديمه تأثر علي حياتنا مع بعض متخرجش عشان خطري ..
سيف نزل ايدها : رايح اجيب الحاجه من العربية يلاا اطلعي فوق مش هكرر كلامي تاني ..
دموع نفخت بقهر ودبت الارض برجليها وعايزة تطلع وفي نفس الوقت خايف يحصل بينه وبين حسين اشتباك
صباح كانت وقفه في البلكونه وشفتهم دخلين طلعت عشان تفتح لهم الباب وسمعت حوراهم
: اطلعي اطلعي يختي ابني راجل ميتخفش عليه
دموع بصت لها بغصه : غصب عني يا صباح ده ابني مش جوزي بس… انا مش عايزة حاجه تضيقه او تزعله
مش عايزاه يتأذي تاني بسببي
صباح : مسسس اما كلام عبره بصحيح اطلعي يا بت يلا بدل ما يرجع يلاقيكي وقفه ومنفذتيش كلامه والموضوع يوسع عمل ايه ابن باتعه الوــ,,ـسخه
دموع طلعت علي السلم :
ونبي يا صباح ما حد يجبلي سيرت الشخص ده جتتي بتتلبش وببقا عايزة اجيب الي في بطني من اسمه ..
صباح : عايزة اقولك الله يرحم وفكرك بالذي مضي بس انتي مرات الغالي دلوقتي وانا مش هقبلها عليه ..
دموع حضــ,,ـنتها :
الغالي بيقول كلام كبير ي صباح وتأثير وبتاع وانا والله مفيش منه الكلام ده انا كان فيه كلمتين محشورين جوايه ولو مطلعتهمش كنت هفضل مقهورة
نكد علينا الي الله ينكد عليه دنيا واخره
سيف طلع وهو بيتمني يلاقي حسين قدامه وفعلا الي بيتمناع لقاه وشاف حسين لسه واقف قدامه في نفس
المكان متحركش
قرب منه مسكه من قميصه ورزعه في الحيطه :
الي فااات حاجه والي جاي حاااجه تاني خالص مراااااتي ساامع مراتي لو فكرت تتعرضلها ولا تدوس لها علي
طرف ولا توجهه لها نص كلمه هبيدددك خلصت يااض
انت سااامع كان زمان وجبر لو شوفتها ماشيه في طريق
تلف وتمشي من طريق غيره ومتفكرش ترفع عينك فيها
وحقي انا مسمحك فيه هعتبروا حلاوة جوازي انا حذرتك بلساني الدور الجاي هيكون ببتاعي
وخبط حسين علي وشه خبطتين بسخرية لذعه ومشي وهو بيجز علي فكه عايز يطلع بروحه بس شكله مخليه مش كفيل انه يكون ند ليه ودمه محروق ان دموع وقفت وتكلمت معاه اصلا حتي لو خناق ..
راح فتح العربية وولع سجارة ومسك الفون : ايه يا تميم …..علي بعد 12 نوصل هناك الصبح ونرد علي هنا بعد الضهر كده نريح ساعتين ونقوم عشان حنت
الزفت ….خلصانه انا عند صباح ابقا تعاله ننزل
مع بعض مش لازم عربيتين …والله لو لا المعاد
انا ما كنت روحت اصلا نفسي اتسدت بس عيب
الراجل قدر ووافق يبيع لي مع انه مش بيبيع خيله
بس عشان غلاوتك ..تسلم يا صاحبي يلا سلام
خلص سجارته وخد نفس عميق وهو بيحاول يهدي اعصابه ودور العربية ووقف بيها تحت بيت صباح
خد الحاجه ونزل قفل الباب برجله وطلع علي
فوق ..
دموع دخلت عند صباح سمعت صوت ضحك واغاني جاي من اوضة ندي ابتسمت بفرحه ودخلت لقت
ندي وياسمين بيرقصوا علي السرير وملك بتتفرج
عليهم وهي بتضحك وتصقف
: لولولولولولولولولولي
ندي لفت علي صوت الزغروطه العاليه وعرفت صاحبتها وصوتت بفرحه :دمووووع جيتي امته
حضــ,,ـنوا بعض بفرحه وياسمين قربت من دموع : ايه يا دودو الزغروطه دي علميني
ندي ضحكت :
اسكتي ونبي بدل ما تغير رأيها دي مش بترضي تعملها قدام حد وحده تاني ورحمة امك يا شيخه
امي بتبقا عمله زي عربية النقل وهي بتزغرط
دموع ضحكت وزغرطت لها تاني زغروطه من قلبها صوتها عالي خلت الي طالع علي السلم واقف مصدوم
سيف هز دماغه : لا لا اكيد مش هي وربي ازغرط علي وشها بالمطوي بتاعت صباح تعمل العمله و ولا كأنها
بنت ال… وعض شفته بغيظ ورجع ابتسم هبقا اخليها تزغرط بس علي حاجه تاني ..
سيف دخل عند صباح الي وقفه مستنيه علي الباب عشان لو اتأخر تنزلوا وشافت سيف طالع
: نورت يا غاالي تعااله
سيف ابتسم : حببتي يا صبوحه الحقيني بفنجان قهوة وخدي الاكل ده انا ماليش نفس كلوا انتوا يامه
: سد نفسك الي ميتسماااش داهيه تاخده البعيد
: خلصنا يا صباح فكك من الحوار ده هي شكلها هتبقا ايام سودة
: يا واد يا مضروب ولا سودة ولا نيله ده هتبقا ايام فل مزهزها ده البت ديبه فيك دوب يا ولااه
: وانتي مين قالك
:
عنيها يا خويه وهي بتقولي ده مش جوزي بس يا صباح ده ابني وحقي اخف عليه مش عايزة يتأذي
بسبب وحسستني انك واد مش مظبوط كده بس
بتحبك اسمع مني انا صبوحه عمرها قلتلك حاجه وطلعت غلط
: لا والله يا صباح مش حاجه وحده بس
: طب يلا يا بن الوــ,,ـسخه من قدامي قوم اعمل قهوة لنفسك
سيف ضحك بصوت عالي : ضحكتيني وانا ماليش نفس والله يا غاليه
: امك والي جبتها يا سيف مش هتضحك عليا
سيف باس دماغها :
والله بعشــ,,ـق طيبة قلبك ..ومتفهمنيش غلط عشان انا عارف دماغك
بتحدف شمال زي فارس
صباح فردت ضهرها : مسسس فارس ده حته شكولاته كده يتاكل اكل ضحكته بتغسلني كده الواد مش عارفه
اوصفه ازاي بحبه كده بحبه
سيف ضحك :
حله ولقت غطاها يا غاليه
صباح بصت له بقرف من فوق لتحت ومردتش عليه
سيف رفع عينه وهو بيضحك وشافها وقفه قدامه وبتبص له بحب وعنيها سرحانه فيه
دموع اول ما حست انه برا طلعت بعد ما سمعت صوت ضحكته ووقفت قدام باب الاوضة كلامه مع صباح وضحكته جننوها واول ما رفع عينه اتعدلت وهي
بترجع شعرها لوراه وقربت منهم
سيف وقف : هعمل قهوة انا يا صبوحه ادي الاكل للبنات
دموع عضت شفتها بغيظ واومأت بقهر وراحت قعدت جمب صباح وخدت علبة بيتزا فتحتها وقعدت تاكل بنرفزة …
:
ابلغي ريقك يا حببتي بلاش طفاسه