: انتو مين يا ولاد الوــ,,ـسخه وبتعملوا ايه تحت بير السلم
قالتها صباح بصوت عالي بعد ما دخلت البيت وسمعت صوت المصمصه والئنين وهمهمات سيف وهو بيشفط شفايف دموع برقت عنيها وجتتها اتلبشت وقربت براحه وبصت تحت بير السلم بس كانت الدنيا ضلمة تقريبا ..
دموع كانت هتقع من حضــ,,ـن سيف الي مسك وسطها بخضه ..
: خخخخ ايه صباح الدخله بنت المرا دي
:
ااااه يا بن الكلب بتنجسلي البيت يا كوكو الضعيف وحيات امك ما هسيبك وانتي يا سهتانه تعاليلي
دموع اصلا عدت من وراه سيف وتفت في ايدها وخدت ديلها في سنانها وطارت علي فوق وسيف مشفش غير تراب رجليها …
سيف ضحك ..يا بنت الغداره سبتيني في وش المدفع بس علي مين ده انا حبيبها …
سيف قرب منها وخدها تحت دراعه : تعالي بس يا صبوحه وبعدين انجس ايه هو كده كده نجس وبعدين دي مراتي يا ست اله حلااااااالي
: اوووعه يا واد كده متخدنيش في دوووكه
ضحك وباس دماغها :
بحبها يا صباح بحبها اووي وروحي طايرة بيها وعايز اعمل اي شئ عشان ارضيها
و المرا المعر** ام طليقها لسه مسمعها كلمتين
صباح ابتسمت له بحب بعدين ملامحها اتبدلت لما جاب سيرت باتعه وعرفت الحارة مقلوبة ليه : وديني ما هسيبها يا انا يا هيا انهاردة مش كفايه عمايل
ابن الكلب ابنها ..
سيف مسك ايدها : تعاااله بس يا وحش متقلقيش قمت معاها بالواجب
صباح ضحكت :
اذا كان كده ماشي عرفاك مبتتكسفش ورداح زي ولسانك متبري منك بلاد الخواجات مغيرتكش يا واد يا سيف عشان كده بحبك بحبك فوق ما تتخيل
سيف ضحك : تربيتك يا ستهم ..وغمز لها .. ما تيجي نكمل اللحظه الي قطعتيها عليا
صباح خلعت الشبشب : وحيااات امكككك يلا يا وــ,,ـسخ
سيف جري علي فوق وصباح وراه : انت شكلك نسيت العلقة ايها يا واد وانا هرجعلك ذكريااااتك
دموع لما جريت علي فوق خبطت علي الباب بسرعة وندي جريت فتحت لها : في ايه يا بت مال وشك وبتنهجي ليه كده
دموع بخوف :
خبيني خبيني امك هتعلقني اوووعي من وشي ..وجريت علي جواه وندي جريت وراها
: يا بت في ايه خوفتيني وامي مالها
دموع قعدت علي السرير وهي بتاخد نفسها بالعافيه : قفشتني انا وسيف تحت بير السلم
ندي بصت لها بصدمه وبعد كده صوت ضحكتها سمع البيت كله : اااااههههههههههه همووووت هههههههههههه يالهوووي وعملت ايه
: هو انا عبيطه مستنتش طبعا سبت سيف وهربت
: ونعمه الانتماء والاخلاص وافيه انتي برضو يا دموع مفيش كلام
:
لا وــ,,ـفاء مع الوــ,,ـفاء يختي ده امك قدرة وميقدرش عليها غير ربنا
سيف سمعها من برا بعد ما دخل الشقه : وجوزك يا بت العبد لله قادر عليها
: هو انا هسيبك انهاردة تعااااله يااض هنا
ملك الي كانت نيمه علي السرير وبتضحك في صمت لحد ما سمعت خالتها وهي بتجري وراه سيف وضحكت بصوت عالي ..
دموع لفت لها : ايه ده انتي هنا من امته يا فضحتي يا فضحتي
ملك ضحكت وفتحت لها ايديها دموع قربت منها : وحشتيني عامله ايه انتي كويسة وشك مرهق ..
ملك بخفوت :
كويسة يا حببتي متقلقيش عليا
دموع بحزن : حقك عليا انا اسفه
: متقوليش كده تاني ده مقدر ومكتوب
ندي قربت منهم : بتتودوده في ايه يا بت انتي وهي
دموع اتعدلت وبتسمت لها بفرحه : مفيش حاجه يا عروسة خلصتي ولا لسه
ندي لفت لها : خدي اقفليلي السوسته وتعالي اعمليلي ميكب زي بتاعك ده يلا زمنهم علي وصول ..
وسمعوا صوت ضحكت صباح العالية : جوزك بلفها فعلا ميقدرش علي القادر غير الي اقوي منه
دموع بشرود :
انتي هتقوليلي ده قادر وــ,,ـفاجر علي رأيه هههههههههههه اسكتي بهدل ام حس احم باتعه
ندي لفت بصدمه : وربنااا عمل ايه
: يختييي قولي معملش ايه قعد يشتم ويزعق وقال شوية الفاظ مع كام شخره جانبيه كده انما ايه مزيكه
ندي ضحكت : جوووز اختي الاسد
دموع بضحكه : تمــ,,ـوتي انتي في قلة الادب عشان كده ربنا كرمك بواحد الادب في طريق وهو في طريق ده سافل سفاله ووقح وقاحه يا نهااري ده بقا الي مالوش وصف ..
ندي عضت شفتها :
عشان كده حبيته باد بوي اوووي وانا هخليه قديس مع الكل الا انا
دموع ضرــ,,ـبتها علي دماغها : وربنا انتي ازفت منه وحله ولقت غطاها اسبتي عشان ارسملك الايلينر ..
خلصت دموع لندي وطلعوا مع بعض وملك نامت بهدوء
ندي خرجت ووراها : ايه يا صبوحه كنتي بتضحكي بصوت عالي ليه
صباح ضحكت : الواد شالني وقعد يدوخ بيا ابن الجزمه
سيف باس دماغها : بحبك يا ست اله وبعدين ماانتي فرهدتي امي عرفه لو ينفع كنت رزعتك بوسه دوختك احسن من ده كلوو بس انتي امي بقا ..
دموع شهقت وبصت له بصدمه وندي ضحكت بصوت عالي وصباح ضرــ,,ـبته علي دماغه بالقلم : يا واد اهمد وبطل سفااله بقا
سيف مسح مكان الضرــ,,ـبه : سفاله ايه بس يا صباح دي بتتكسف منك
دموع مقدرتش تكتم ضحكتها وصباح بصت لها : انتي طلعتي يا مزنوووقة دي اخرتها تحت بير السلم يا بت
وباب الشقه خبط دموع جريت عليها وسدت بوقها : ابووس ايدك استري عليا الي جاي ده مش بيرحم
هيفضل يعايرني بيها العمر كله بلاش فضايح ..
سيف قام فتح الباب وسلم علي اهله وحضــ,,ـن امه وــ,,ـفارس
صباح بعصبيه :
هو انا مش قولتلك مش هستقبل حد يا بت ايه لوي درااااع غير فارس مش هجوزك الواد طلبك مني مره واتنين ورايدك وانا مش هكسر نفسه عشان خطرك
: قلبااااااااي علي الطلاق بعشــ,,ـق امك يا طنط
صباح وقفت مره وحده لما شافت فارس ومعاه اهله دخلين : واد يا فارس هو انت العريس
فارس حضــ,,ـنها وهو بيضحك : ايه ده انتي متعرفيش ندي غفلتك يا صبوحه ..
صباح ضحكت وضرــ,,ـبته علي كتفه :
يعني انا مغفله يا زفت اوعه كده اما اسلم علي الناس الي تفرح مش النصابين ..اهلا اهلا بسالم بيه تعالوا اتفضلوا
ندي بهمس لدموع : امي دي ولا مرات ابوية هتفضل تعايرني بخطوبتي الاولي العمر كله
: مهي الي كانت خطوبة تعر جتك البلا في مجايبك شايفه القمر الي هناك ده جوزي
ندي ضحكت : الله يرحم ههههههههههه وبعدين اسكتي ده فارس غروره هيوصل السما بعد ما سمع الكلمتين بتوع امي ومش هجوزك الي هو ..
دموع ضحكت :
يحق لحبيبي يتغر هو اي حد ده فارس قلبي
ندي همست لها بكلمة قبيحه في ودنها وراحوا يسلموا عليهم
دموع حضــ,,ـنت مها وياسمين وسلمت علي فارس وتميم وسالم بالايد وقعدت جمب سيف الي حط ايده جمبيه وهي بتلقائيه راحت جمبه من غير ما يشاور ولا يتكلم بص لها وفرد ايده جمبه يابخت اي اتنين بيفهموا بعض من نظرات العين …
ندي سلمت عليهم وطلعت جابت عصير وقدمته وقعدت جمب صباح الي مسكت ايدها بفرحه ..
سالم بهدوء :
بصي يا ست صباح انتي اكيد عرفاني انا في النسب بدور علي الاصل الطيب اذا كان ليا ومسك ايد مها ..دموع بصت لسيف الي بص في الارض ومسكت ايده وبتسمت له بحب .. او اذا كان لحد من اولادي سيف انا اطمنت عليه مع مراته وجيه دور فارس وانشالله ياسمين قريب مع حد اصيل يستاهلها
فارس هو يمكن طايش حبتين بس راجل يعتمد عليه في وقت الشده وكفاية الحب الي شوفته في عنيه لما جيه أفضل الهدايا لأحبائكم
يكلمني علي ندي حببتي وانا انهاردة جاي اطلب ايدها منك لابني فارس ..
صباح :
وانا موافقه والعروسة موافقه وانا هلاقي احسن من فارس ليها كفاية انه ابن صحبت عمري وعشرتي كلها وكفاية انه ابن راجل طيب زيك واصيل ..
سالم ابتسم براحه مع الناس البسيطه دي بيحس بالانتماء : علي بركت الله يا ست صباح
فارس ضحك : مبروك عليا يلا خطوبة وشبكه وكتب كتاب وفرح ودخله وكل الي نفسكم فيه الاسبوع الجاي
نقرا الفاتحه ..
ندي بصت له بصدمه وصباح ضحكت : يا واد اهدي اما نرتب الدنيا ..
سالم : بالهداوة يا حبيبي مش نعرف طالبتهم الاول ونشوف العروسة عايزة ايه
صباح :
لا يا سالم بيه انا بشتري راجل يسند بنتي بعد ابوها الله يرحمه انا مش ديمه العمر كله ليهم وانا وثقه في فارس انه قدها ..يا رب طمني علي ملك هي كمان قادر يا كريم …قالت الاخيرة في سرها
فارس وقف باس دماغها وايدها : والله انتي قلبي ما تجيبي بوسة
سيف ضحك بصوت عالي الواد واخد نفس جيناته الوقحه : حدالله ابني ياض مش اخوية
صباح ضرــ,,ـبته علي كتفه : اخاوية زفت علي دماغكم جتك البلا في خلفتك يا مها ..
مها ضحكت :
قولي براحتك عارفه انه من وراه قلبك يا قلبي
تميم كان قاعد مبتسم : والله انتو لو عايشين في بيت واحد مش هتحبوا بعض بالشكل ده ربنا يديم بينكم المحبه ..
سيف ابتسم : تسلم يا اصيل يا بن الاصول وي رب تنجز بقا وتشد حيلك فارس هيتجوز وانت نايم في الخط
تميم ضحك من قصد كلامه الي بيلفت بيه نظر سالم : قريب يا غالي خلاص حقك تقول كده مهو من سبج
كل النبج يا بو عموو ..
سيف ابتسم بفرحه وباس دماغ دموع : احله نبق يا بو خالو والله
فارس :
خلصنا بصي يا صبوحه انا مش عايز ندي غير بشنطت قمصانها قصدي هدومها غير كده انا جناحي كامل وجاهز للعروسه ولو عايزة واحد جديد هجهزوا في خلال الاسبوع ده قولتي اااايه …انا مش مسؤل عن
افعااالي الايام الي جايه انا بقولكم اهو جوزوني
وستروا علياا ..
صباح ضحكت وبصت لندي : قولتي ايه يا ندي
ندي ابتسمت : ايه رايك يا سيف مش انت اخوية الكبير برضو
سيف اتعدل بعد ما كان قاعد وــ,,ـفارد ضهرو وحاطت ايده علي كتف دموع وبيحسس عليه بهدوء : احمم انا بقول فترة خطوبة سنه يكون عقل شوية