نبضاها زاد وجسمها سخن وبدا مشهد البطل كان هيعمل علاقه مع البطله وبدوا يخلعوا هدومهم سيف خد الريمــ,,ـوت كنترول وقفل الجهاز : انا بقول كفايه يا سهر قومي نامي عشان ما تتعبيش دموع وقفت ورجعت قعدت ووقفت تاني وهي مش عارفه هي عايزه تعمل ايه ولا تروح فين : لا انا مش عندي نوم وعندي فضول خلينا نخلص الفيلم وشغلت الجهاز تاني وعدت المشهد الجريء ورجعت مكانها نص ساعه فاتت وسيف حس بيها بتسند راسها على كتفه وبتقرب ببطء من ص.دره
سيف بص لها بهدوء لقاها نامت خدها في حضــ,,ـنه اكثر وبس دماغها بهدوء وهو بيشم ريحه شعرها وجسمه بيترعش من الاحساس اللي جواه وان دموع نايمه في حضــ,,ـنه دي عنده بالدنيا ومكنش عايز غير انها تكون في حضــ,,ـنه ويشوف ضحكتها وعينيها اللي بتلمع زي الاطفال احساس لذيذ داعب قلبه وسند راسه على راسها وغمض عينيه براحه نفسيه انها بقت مراته خلاص تاني يوم الصبح دموع صحيت لقيت نفسها نايمه بين رجلين سيف ودماغها على بطنه اتعدلت بسرعه فوقته
سيف وهو مغمض عينيه : كنت عايز انقلك بالليل بس ما قدرتش بسبب الجرح حقك عليا وفتح عينيه وابتسم من شكلها الجميل حتى وهي صاحيه : صباح الخير دموع تاهت في ابتسامته وصوته الصباحي وعينيه اللي بتحسسها انها اجمل واحده في الدنيا كأنه طفل بيبص لامه بحب بعد ما اديته حاجه حلوه هو بيحبها مع حضــ,,ـن كله حنان واتمنت في اللحظه دي يكون عندها طفل من سيف يبص لها بنفس الطريقه دي عند الفكره دي فاقت من شرودها وهي متوتره : صباح النور لا عادي المهم متكونش تعبت بسبب النومه دي
سيف حطي صوابعه في شعره وحركه : دي احلى نومه واهدى نومه انا نمتها بقا لي فتره كبيره اوي احلامي اللي كانت بتقلق نومي بقت قدامي بشكل يطمن الروح دموع عينيها كانت بتلمع وعضت على شفتها : هقوم احضر لك فطار : لا مش بفطر دلوقتي فنجان قهوه كفاية لو مش هتعبك : اولا مفيش قهوة على الريق …ثانيا لازم تفطر عشان تاخد علاجك اتصل بفارس يجيبه وخليه يجيب هدومك وحاجتك ….ثالثا بقى قوم فوق كده واغسل وشك لحد ما اجهز الاكل يلا صباحك عسل يا سلفر ..
وهي ماشيه ضحكت : سيلفر جوزي احيه على احلام اليقظه يا جدعان …وهرشت في شعرها بهبل سيبف سمعها وضحك بهدوء وفتح التليفون ورن على فارس اللي كان حاضن ندى وبيبوس فيها وهي بتهمس : فارس عشان خاطري يلا : حاضر يا قلبي تعالي يا عيوني بعشــ,,ـقك يا ندى ….وحبيته ايوه وغيره هو ما هويت وفي بعده عني بحس اني انتهيت …..وصحي على صوت رنه التليفون ورد : احا يا يا برو حتى في الحلم انا بقول سافر محدش مصدقني عايز ايه على الصبح نايم تحلم بيا ولا ايه
سيف ضحك : ايه كانت زنقاك في الحلم ولا ايه فارس اتعدل : لا لا لا ما اسمحلكش مش انا اللي اتزنق ده انا ازنق بلدك يا فتى الانبوبه انت سيف ضحك : ياض انت اتعلمت رط الحريم ده امته : البركه في مراتك يا اخويا سيف لعق شفته وابتسم بشقاوه من واقع كلمه مراتك على قلبه : مراتي… مراتي دي مش حريم ياض مراتي دي ملاك ملاكي انا وبس دموع القاضي فارس ضحك بصوت عالي : ايوه بقى يا برو قسم وسمعني شكل فيلم السهره جاب نتيجه
: هو انت اللي ورا الفكره دي… انا قلت كده برضو دي مش طبيعتها ولااااه انزل من على ودانها وسيبهالي اوريجينال زي ما هي كده انا حابب اتفرج على مهلي : انا غلطان ده انا كنت هخليها تجيب لك زي الممرضه النهارده وتعيشي الدور بجد : اقفل يا فارس الله يحرــ,,ـقك على الصبح : انت متصل بيا ومصحيني من النوم عشان تقول لي اقفل ايه البيض ده : اه افتكرت ابقى جيب لي هدومي وحاجتي اللي عندكم وهشوف لو في اي طلبات ناقصه هبعت لك تجيبها معاك لحد ما اخف شويه وانا هنزل اجيب كل حاجه
: طب ما تجيبها وتيجي هنا اسهل من ده كله يا سيف : معلش يا فارس كده مرتاح : ماشي براحتك على العموم امك مصدقه نفسها وانك عريس والنهارده صباحيتك ومحضره لك فطار ملوكي تحت وهجيبها واجي لك كمان شويه سيف ابتسم : خلاص ماشي سلام دموع كانت واقفه وراه ده كله وهي سرحانه في كلامه
سيف قام و شافها وقفه بشرود : واقفه كده ليه دموع اتعدلت بسرعه : ده ده اه بتحب تاكل البيض ازاي
: حضري انت الحاجات الجانبيه وانا هاخد شاور واجي اعمله …ونكش شعرها ومشي من قدامها بكل هدوء بس عمل اعصار جواها دخلت المطبخ وهي دايخه قطعت طماطم وخيار وحطت جبنه وزيتون وــ,,ـسخنة العيش وقلت بطاطس سيف دخل الحمام حاول يغسل جسمه من غير ما يجيب مياه على الجرح وغسل شعره على الحوض وبص على وشه في المرايه وهو حاطط ايده على دقنه وابتسم برغم الجروح اللي فيه وضحك بصوت عالي وخرج بنشاط وهو لافف الفوطه على خصره دخل المطبخ على دموع بعد ما اشغل جهاز الاغاني على اغنيه فرنسيه
دموع لفت ليه وهي مبتسمه على روقانه وشهقت وبرقت عينيها سيف : ايه مالك : ما مفيش : امال اتخضيتي ليه : هو انت مش شايف شكلك انت تقريبا نص عريان سيف قرب منها : انا ممكن اكون كلي عريان في لحظه بس انت أشري … وقرب منها اكثر وهو بيتنفس انفسها السخنه دموع كانت بصه له بتوهان وقلبها بيدق بعنف بسبب قربه وسيف بيقرب منها لحد ما لزق فيها
دموع جسمها اتخدر و كانت بتترعش ومش قادره تقف على رجليها بس مجمده قلبها : لازم يقرب مني ده جوزي ده حقه وكان عندها فضول تجرب نفس الاحساس وهو جوزها وفتحت شفايفها بخفوت لكن اتصدمت لما سيف خد البيض من وراها على الرخامه وقرب من البوتاجاز بكل هدوء في اللحظه دي كانت عايزه الارض تنشق وتبلعها وهي واقفه متصنمه قدامه ومستنياه يبوسه سيف عض شفته وهو مانع نفسه عنها بالعافيه ومستنيها هي اللي تقرب زي ما طلب منها واتفق معاها
ووقف يعمل اومليت بكل احتراف على الطريقه الفرنسيه واول مادها ضهره فضلت تهويه على وشها وهي سانده على الرخامه وبعدين اتنفست ببطء و قربت منه وفضلت تتفرج عليه وهو بيعمل الاكل وشكله كان يجنن ولما خلص حاطه على الطبق وغمز لدموع اللي كانت واقفه متنحه : هلبس على ما تحطي الاكل دموع اومأت من غير كلام وهو خارج فك الفوطه قدامها دموع صوتت سيف حدف الفوطه على وشها وخرج وهو بيضحك دموع كانت واقفه مصدومه من حركته الجريئه ومن شكله و هو عريان وضحكته هو بيحدف عليها الفوطه
شالت الفوطه من على وشها وقعدت على الكرسي وهي حاطه ايدها على قلبها وافتكرت شكله وغمضت عينيها وسندت دماغها على الترابيزه قدامها بانهيار سيف لبس هدوم امبارح واستنى فارس يجيب له لبس وفضل بالبنطلون بس من غير القميص دخل المطبخ ولقاها حاطه الاكل على السفره ومستنياه ومشغله الكاتل : يلا عشان الاكل ما يبردش قالتها من غير ما تبص ليه وهي لسه مكسوفه من اللي حصل سيف عشان يخرجها من المود : مشغله الكاتيل ليه
: هعمل لك شاي بعد الاكل : لا ما ليش فيه : دموع خدت نفسها وبتسمت : ولا انا وطفته وقعدت تاكل جنب سيف بهدوء الجرس وقامت عشان تفتح سيف وقف : روحي انت غيري وخدي شاور لو عايزه وانا هفتح ده اكيد فارس وماما : اوكي هلم السفره طيب : روحي انت يا بابا جهزي نفسك وانا هلمها يلا دموع مشيت وهي فرحانه حاجات بسيطه بتفرق مع الواحده الجواز اصله مشاركه في كل حاجه مش في السرير بس وباقي الامور هي خدامه والراجل هو السي السيد بتاعها حاجات بسيطه مع شويه اهتمام طالعين من القلب بيفرقوا كتير اوي
دموع دخلت اخذت شاور سريع وطلعت نشفت شعرها ولبست بنطلون وشميز ابيض وصندل بيتي خفيف ورشه برفانها مع ملمع شفايف وكحل وكانت زي القمر سيف لم الاطباق بسرعه وطلع فتح الباب : ايه يا برو احنا هنمثل من اولها وعريس بقى ولسه مصحيش ده انت مكلمني من ساعه يا اسطا مها ضرــ,,ـبت فارس على دماغه : يا واد بطل لماضه واهمد شويه ..وحضــ,,ـنت سيف وهي بتبارك ليه : اه ما انت مش شايله اللي انا شايله وسعي يا حجه مش وقت احضان بالصينيه بتاعه 2002 دي
سيف : انت جايبه معاكي ليه ده فارس دخل : لا وكمان مش عاجبك وانا اللي جايب لك المشمر والمحمر من النجمه عشان ترفع راسنا : طب اقفل بوقك بقى يا خالتي اللتاتهة هاا : عامل ايه يا حبيبي سيبك من الحيوان ده : حيوان طب ماشي ما تجيش تقوليلي بقا يا فارس حاول تقنع سيف … ايه القمر ده … وغير كلامه اول ما شاف دموع دموع ضحكت : قلبي يا قلبي فارس وقف : بالحضــ,,ـن يا مرات اخويا
وحضــ,,ـنها وهو بيضحك لسيف وبيرقص حواجبه : عامله ايه يا وزيتي مع الراجل ده قولي لي لو مضايقتك..اااا حبيبي يا برو منور والله الليد بهت من حلاوتك يا عريس …و غير كلامه اول ما شاف سيف بيبص له
برفعه حاجب وهو بيجز على اسنانه دموع قربت من مها حضــ,,ـنتها : عامله ايه يا طنط