دموع السيف ج٢٣

: ملك حامل من حسين بعد ما ا.بها اليوم الي دخلت فيه شقتك دموع شهقت بصوت عالي وحطت ايدها علي قلبها ومقدرتش تنطق فارس بخوف : دمووع انتي فين الو دموووع انتي بلعتي لسانك ولا ايه نهاار اسود الوووو دموع فاقت من صدمتها : يا مصبتييي يا مصبتي انت بتقول ايه يالهوووي ملك كويسه انا السبب انا السبب : اهدي يا ست انا بكلمك عشان تفكري معايه مش تقعدي تندبي وتصوتي البت كانت منهارة وصباح اول مره اشوفها مكسورة كده لازم سيف يتنازل عن القضيه
وحسين يخرج يكتب عليها وانتي طبعا عارفه
سيف مش بيطيقه ومستحيل يتنازل بسهوله

: طب وبعدين وبعدين يا حببتي يا ملك حقك عليا : مفيش حد غيرك يقدر يقنع سيف انه يتنازل : انا اقنعه اتنيل بس ده مش بيبص في وشي بعد الي عملته فيه مانت عارف

: يا دموع يا حببتي سيف مهوس بيكي ودي حقيقه لازم تقنعي دماغك المتخلفه بيها ده اولا ..ثانيا بقا لازم شئ قووي يحرك سيف انا هفهمه ان ابن عايز يتجوزك وابوكي موافق ومش بعيد يجوزوكي غصب ولازم يلحقك مش قطع وعد وكلمه لازم يكون قدها
اول ما يجي يتقدملك انتي بقا استعملي سحرك
وقنعيه قوليله هتجوزك بشرط تتنازل اعملي
اي منظر قوليله سيف بصوتك الشتوي او لوقه
ايهما اقرب دموع ضحكت بهم : خلاص ماشي بس هو كده هيتجوزني عشان عايز يتجوزني ولا عشان ينقذني من ابن عمي

: لااا عشان هو ابن ميتين كلب يستاهل الي بيحصالوا : هو فعلا كده : بنت عيب متبقيش نووتي وهما الاتنين ضحكوا بصوت عالي .. : المهم يومين كده يكون خف شوية وهقوله وهتلاقينا عندك قريب يا وزتي استعدي للقاء يلا هسيبك دلوقتي عشان وصلت

فارس قفل مع دموع وضحك وهو بيضرــ,,ـب دماغه صباح دماغها وقفه دلوقتي ودموع اصلا كده كده هبله ومتعرفش سيف وجدعنته ووفقت تعمل كده
من غير ما يجربوا الطريقه السهله ان صباح
تطلبها من سيف تلقائي هو عايز يضرــ,,ـب عصفورين
بحجر يجوزهم ويساعد ملك تتجوز حسين وفي نفس الوقت يطير من دماغ حسين فكرت انه ممكن بديرد دموع ويلم نفسه ويكتب علي ملك من غير شوشرة وبعدين ده فارس الالفي يا جما.عه مش بيحب السهل والبسيط لازم يكون في مغامرة في الموضوع ..

فارس دخل الفيلا وشاف ندي قعده مع ياسمين : ايده ايده ام قلب مرهف منورانه وقعد جمب ندي وغمز لها : طب ايه ده هما دبلتين وعلبة بسبوسة وجوزيني يا ماما ونهيص كلنا مصعباها ليه يا حتة : اهمد يا فارس احنا في ايه ولا في ايه : ايه اهمد دي يا بت احترميني شوية ده انا حته هبقا ابو العيال يا بطتي .. : مش لما تحترم نفسك انت الاول يا طفل اخوك مضروب بالناــ,,ـر وانا وانت عايز تهيص

: هو انا اخوية مضروب بإربچيه متأڤوريش وبعدين سيبي اخوية عليا دواه عندي هههههههه وبص لياسمين : بابا وماما فين والمضروب بالناــ,,ـر مانا مضروب في قلبي والسنيورة مش ملاااحظة ندي كتمت ضحكتها ياسمين بضحكه : ماما وبابا في اوضتهم وسيف في اوضته .. فارس بص لندي وعمل حركت حمدي الوزير : طب ايه الفيلا فاضية وماما راضيه تعالي اوريكي البكسر ابو شفايف حمرا ندي وقفت ومسكت شنطتها : انا ماشيه فارس بهمس : ولية كأيبه ..ووقف … اقعدي يا اختي انا بهزر انا رايح لابو قلب مجروح اسماً وفعلاً سلاام

فارس طلع فوق وندي فطست من الضحك هي وياسمين : مجنون بس بتحبيه صح ندي اومأت : بحبه اووي ومش عارفه ازاي انا لازم اروح اكشف انا اكيد بميادل لتعذيب الذات وجلدها فارس من علي السلم : بتحبني طبعا يا حياتي ..بتحبني وبقولها يوماااتي هههههههههههه العمر للحظة والسنيووورة ملاحظة ودخل اوضة سيف ونط جمبه علي السرير : ايه يا برو وحشتك سيف جز علي سنانه بألم : ينعل ابو اشكالك ياض انت مش هتبطل غباء

: لا ده انا مخمضت دموع يا عينييي لما كانت تعبانه سيف بص له وعايز يسأل عليها ومتردد فارس ضحك : وزتي بتسلم عليك وبتقولك حمدلله علي السلامه يا استاذ سيف سيف بص له بحده : قول وزتي دي تاني وانا هقطعلك لسانك وحطه في حته دافيه فارس ضحك : بتغير عليها يا برو سيف ببرود : قوم يا فارس وفكك مني عايز انام فارس ابتسم بسماجه : لا ماانا هنام جمبك انهاردة افرض قومت بليل عايز تعمل بيبي متلقيش حد يساعدك

سيف بقرف : قوم ياض يا عر* من جمبي فارس ضحك : بجد والله وغير كده ندي هنا وانا مضمنش نفسي ممكن اروح لها بليل وتحرــ,,ـش بيها
وجيب لكم مصيبه .. فارس قال كده وهو ولا عشان ندي ولا حاجه هو عايز يفضل جمبيه مش مصدق انه فتح عينه تاني الاسبوعين دول مروا عليه زي الجحيم .. سيف فهموا ومردش عليه وسابه ينام جانبه فارس فضل قاعد ساكت وطلع التليفون بملل وفضل يقلب فيه وضحك : بص الصورة دي

ووراه صوره ليه هو ودموع كانوا بياكلوا ايس كريم ومبهدلين وشهم سيف بغضب : انت عايز ايه بالظبط قولتلك فكك مني انا مش نااقص فارس كتم ضحكته : معلشي يا سيف اهو ذنب بهيرة وبيخلص منك .. سيف فضل باصص له ببرود وغصب عنه ضحك بسبب ضحكت فارس : اسكت بعد الي عملته نرجس فيها
فكرتني بمنال الي اتصلت تبلغ عن البلطجيه الي
بيطلعوا ليها كل يوم ي.بوها وهي بتقوله حضرتك دول بياكلوا بورشااام ويفضلوا ين**** فيا لحد ما جالي تهتك في الرحم ..هو حضرتك كشفتي يا استاذة منال …لا بس حاليا بتاعي واجعنيي
هههههههه يا دين امي هموووت

سيف ضحك بقوة وفضل يكح بصوت عالي فارس جاب له مايه من التلاجه الصغيرة : برووو متمــ,,ـوتش دلوقتي احنا عايزينك سيف كان حاطت ايده علي الجرح الي شد عليه شرب مايه وبص لفارس : الله يلعنك هو في حد هيجيب اجلي غيرك فارس ضحك : لا بس حاليا بهيرة بتاعها واجعها فاذنوب وبتخلص ههههعههععهههه فات خمس ايام وــ,,ـفارس كل يوم يفتح المكالمه لدموع ويقعد يهزر مع سيف وهي حطه الايربودز في ودنها وبتسمع بصمت وهي مبتسمه ومش قادرة
تبطل اشتياق ليه ولصوت وصوت ضحكته
الي من النادر حد يسمعها بس علي مين
ده فروسة ..

يوم الجمعه الساعه تسعه الصبح سيف كان قاعد في اوضته بيدخن والباب خبط وياسمين دخلت سيف اتعدل وطفي السجارة : تعالي يا حببتي اتفضلي ياسمين ابتسمت : عامل ايه انهاردة : كويس يا بابا : دموع قلتلي اديك ده ..ومدت له صندوق صغير جواه مشاكس سيف خرجه ومسكه بين ايديه وباسه : مشااكس ؟! : اممم قلتلي اديهولك وقلتلي انك هتحبه زي ما هي بتحبه ومتقدرش تستغني عنه .. سيف عقد حواجبه بستغراب ومكنش مطمن لكلامها : طب وهي بعتاه ليه

ياسمين تليفونها رن : عن اذنك لازم ارد ضروري .. سيف حضــ,,ـن مشاكس وهو بيدور علي ريحت دموع فيه مش لاقيها وقلبه وجعه .. فارس دخل وهو جايب له عصير : عملك شوب عصير هيخليك تقوم ترمح في الجنينه علي رأي تميم : ليه عصير السعادة : احييه هههههههه هو كان سعاده عليهم وحزن مغلي علينا هههههههه سيف بتسأل : انت سايب دموع بقالك خمس ايام ولازق لي ليل نهار مش بتروح تطمن عليها ليه احنا لو خلصنا من طليقها في لسه اهلها بيدوروا عليها

فارس بهدوء : دموع رجعت بلدهم مع اهلها يا سيف سيف بخوف دب في قلبه : انت بتقول ايه : زي ما بكلمك كده دموع رجعت مع اهلها يوم ما اتصبت وانهم مش هيتعرضوا لها بأذه هما بس عايزينها ترجع معاهم بعد ما اطلقت سيف بعصبيه : وانت ايه ضمنك انهم مش هيعملولها حاجه ازاي تعملوا حاجه زي كده ازااااااي : يا سيف اهدي دموع رجعت بإردتها عشان سمعتها وسمعت اخواتها بدل ما كانوا بيقولوا عليها انها هربت
مع عشيقها والبغل حسين عرفهم الحقيقه وفهمهم كل حاجه بعد ما روحت ليه زي ما حكيت لك ..

: انا مش مطمن علي دموع انا وعدتها اني هحميها وقولتلها انها تخصني بعيد عن اي حاجه حصلت مابينا فارس فتح التليفون ورن علي دموع وكان متفق معاها لو قالها ايه يا دموع من غير وزتي تعرف ان سيف سامعهم وتقول الي تفقوا عليه .. : ايوة يا فارس عامل ايه : الحمدلله يا دموع انتي عامله ايه طمنيني عليكي يا دمووع دموع حطت ايدها علي بوقها وفهمت ومثلت الحزن : مش كويسه يا فارس ابن عمي ماقدم لي وبابا
عايز يجوزني بيه بالعافيه بعد الي حصل

سيف خد التليفون من ايد فارس بغضب : ه.كككك يا دموعع لو بقيتي لغيري تاني فااااهمه جهزي نفسك انهاردة جاي اكتب عليكي ومن غير سلام يلاا وقفل في وشها ودخل يغير هدومه فارس فضل يقول يس يسسس من غير صوت وهو رافع ايده بعلامت النصر وبيضحك بحماس وتنحنح ودخل وراه سيف : يا بروو اهدي دلوقتيي خليها بعدين حتي تكون خفيت شوية

سيف بعصبيه : متقوووليش اهدي تااني مش هاهدي انا انتي مش سامع كنت بتقول ايه اخف ايه وزفت ايه ده انا ممكن اروح فيها المره دي شوف لو هتيجي معاية ونزل بلغ امك تجهز نفسها عشان ريحين نتقدم لزفته هااانم مغناطيس الرجاله ده انا هكفن امها ماااشي