نادر ابتسم بسخريه وكل شويه تثبت له جهلها وتفكيرها الغبي حتى لو فارس عملها وحصل البث من على فونه الناس هتفهم ان اكيد في انه في الموضوع اكيد مش هيكون عايز يفضح نفسه بس وماله المهم انه في الحالتين كسبان : اوكي يا بيري عشان خاطرك بس… وشاور لكوكي اللي جات ومعاها كاس ف ايدها طلع برشامه من جيبه وفضها في الكاس : ادي الكاس ده لفارس الالفي وبعتيلي تليفونه مفتوح كوكي بصت لنادر باستغراب… روحي بس وهفهمك بعدين والعربيه اللي انتي عايزاها اعتبريها بتاعتك
كوكي بثقه : اعتبر الفون معاك يا حبي وراحت ناحيه فارس وقربت منه وهي بتتمايل بميوعه وحطت ايدها على كتفه وهي بتحسس عليه فارس بص لها برفعت حاجب كوكي بدلع : بقى مش على هوايا وانت كل مره اتعلم عليه حبيت اكون مع الكينج عندك مانع
فارس ضحك بصوت عالي وغمزلها البنت ما ادت لي الكاس فارس خده وهو مبتسم بخبــ,,ـث حضــ,,ـنها
وبخفه ساب الكاس على الترابيزه اللي وراه واخذ غيره شربوا قدامها ومد ايده خد الكاس اللي جابته ليه ومده ليها والبنت شربته بسذاجه وبتفكر هتاخد منه الفون ازاي : ايه رايك نتصور انا وانت ونرفع الصوره عندك على الانستا عشان يبقى علمت على نادر مرتين
فارس اومأ وهو عايز يجيب اخرها وفتح الفون بتاعه وتصور معاها سيلفي وهي متعلقه في رقبته وحضــ,,ـنها ليه
وبدأ تأثير الخمرة يشتغل عليه كوكي قربت علية وخدت شفايفه في شفايفها وهي بتبوسه بخبرة وغمزت للبنت الي ادت فارس البودرة ومدت الفون ليها من وراه ضهر فارس .. البنت خدت الفون وسلمته لنادر اللي مده لبيري وهو مبتسم بغرور: قالبي في الفون عشان ما يقفلش وشويه وكوكي هتاخده فوق هيكون تاثير البرشام اشتغل والباقي عليكي
بيري اومأت بفرحه ومسكت فون فارس واخذت البنت معاها وطلعت فوق : بصي يا نانا شوية كده هتاخدي الفون ده وتشغلي اللايف وصوريهم وهما مع بعض
تعالي نشوف مكان تقدري تصوري منه .. ودخلو اول اوضة واتفقت معاها انها تصور من جوه الدولاب بعد ما تسيبه مفتوح شويه..:
ودلوقتي بقى تعالى نشوف ايه على فونك يا فارس وقعدت بيري على السرير تقلب في الفون ونانه مستنيه جوه الدولاب بيري شافت فولدر تحتيه قلبين في الفيديوهات دخلت عليه وشغلت الفيديو اول حاجه كانت ندى ودموع بيتخانقوا بصت للفيديو بقرف وكانت هتقفلوا وبعدين شدها دخول سيف سرعت الفيديو شافت ندى مع فارس ضحكه بشماته وبعتت الفيديو لنفسها بسرعه وحذفت الرساله في نفس الوقت اللي جات لها رساله من نادر ان فارس طالع مع كوكي بيري قامت بسرعة ومدت الفون لنانا وقفلت باب الدولاب نص نص وخرجت من الاوضه بعد ما شاورت لكوكي عليها وهي خارجه من غير مفارس ياخد باله منها
بسبب الماسك الي لبساه .. سيف كان سهران الساعه 3:00 الفجر بيرسم ويشخبط كالعاده وجالوا اشعار على الفون ببث مباشر على صفحه فارس فتح اللايف بفضول ووقف بصدمه لما شاف فارس في اوضه مع واحده عمالين يبوسوا بعض وباين عليهم السكر سيف رن على فارس لقى الفون مقفول فتح الوتس ورن عليه زي ما بيرن عليه اخر فتره البنت اللي في الدولاب اتنفضت وــ,,ـفارس وقف بصدمه وراح ناحيه الدولاب بعد ما زق كوكي اللي وقعت على السرير وكان تاثير البرشام اللي كان في كاس فارس اشتغل وحست بخمول واعصابها اترخت
بيري اول ما اللايف اشتغل شربت كاسها مره واحده وهي بتضحك وهمست للي قاعد جنبيها : اللايف يخلص وبلغ عنه البوليس معاه بودره في جيبه قشطه وطلعت رزمه فلوس من جيبها : قشطه جدا يا بيري هانم بيري خدت شنطتها وجت تمشي : على فين يا مزتي مش ده الديل اللي بينا بيري بتوتر : نادر لا ابدا انا كنت رايحه التواليت نادر حط ايده على كتفها : انا بقول نروح اتواليت مع بعضينا …ومشي بيها
: استنى بس انا مش في المود خليها بكره : معلش ما هم ليلتين خلي واحده مش في المود وواحده بكره في المدت وسحبها وراه على الاوضه بيري دخلت معاه وهي مش عارفه تتهرب منه وصبرت نفسها على ما البث يخلص والبوليس يجي هيكون خلصت فارس فتح الدولاب لما سمع رنه تليفونه واخذ الفون منها وهو بيشاور لها بغضب وفتح الفون :ايه يا برو : نص ساعه وتكون قدامي بدل ما اجي اخدك انا بنفسي من المزبله اللي انت فيها يا رمرام
: تمام تمام جاي بس انت عرفت ازاي اني بره : انا لوحدي اللي عرفت يا عرص ده نص مصر شافتك لايف على صفحتك يا مقطع …وقفل السكه في وشه بغضب وفتح الجي بي اس عشان يعرف هو فين وشاف انه قدامه ساعه ولا ساعه ونص عشان يوصل ليه.. سيف قاعد بعصبيه بعد ما لم اللوح بتاعته وحطها على الكومودين… فارس مسك شعر نانا : ايه اللي بيحصل هنا يا مومس انطقي : هقول لك على كل حاجه انا ما ليش دعوه والله
: انطقي يا بنت المرا : ده ده بيري والبرازيل اتفقوا ان هم يصوروا لك لايف من على تليفونك بعد ما حطولك برشام في الدرينك بتاعك يخليك ما بتعرفش ويفضحوك فارس نازل على وشها بالقلم واخذ جاكته وخرج بره الفيلا وركب المكنه بتاعته وطلع على الطريق وشاف عربيات البوليس رايحه ناحيه الفيلا وبص على رجولته : كانوا عايزين يعلموا عليك يا وحش ده انا هاهينهم يلا بالشفاء عليهم يسلم اللي بلغ على اولاد العر*..
2
اللي خد فلوس من بيري اول ما خرجت قفل اللايف وراح بلغ وخد بعضه وهبق من الفيلا . بيري كانت مع نادر وسمع صوت دربكه وجري وصريخ اتعدلت بسرعه ولبست هدومها وجت تخرج لقت الظابط في وشها فارس وصل عند سيف كانت الساعه 5:30 الفجر بعد ما وقف في بنزينه وطلب قهوه ودخل الحمام غسل وشه وكمل طريقه خبط على الباب واول ما سيف فتح الباب نزل على وشه بالبونيه فارس زمجر بعنف وسيف جره من جاكته وزقه على جوه فارس اتعدل : اهدى يا سيف ده كان كمين عملته بيري بعد اللي عملته معاها في الشركه ..
سيف ضرــ,,ـبة بالرجل وبصوت عالي : ما انت لو ماشي عدل ما كانتش عرفت تعمل معاك حاجه بس انت داير زي الكلب الهايج ورا البنات كل ده عشان تنسى واحده ومش هتنساها مرا تعمل فيك ده كله يا خو*
فارس لسه هيتكلم سيف كان نزل في ضرــ,,ـب وــ,,ـفارس بيحاول يصده ومش عارف واخر ما زهق زقه جامد وبصوت عالي كله غضب : ااااايه ما تمدش ايدك انت بتحاسبني بتاع ايه جاي تعمل فيها الاخ الكبير دلوقتي ده انا لسه عارفك من سنتين ما تسوقش فيها قوي كده انت طول عمرك هربان واجبن من انك تواجه مشاكلك جاي عايزني انا اواجهها ازاي …انت لو بارد وما عندكش رجوله وعادي تسمعها وهي في حضــ,,ـن غيرك فانا ما عنديش ذر تحمل اني اشوفها واقفه جنب حد غيري
حاسب نفسك قبل ما تحسبني يا سيف ..
قال الاخيرة بهدوء وقعد مكانه سيف دخل اوضته بهدوء غريب وقعد علي السرير وهو باصص في الارض بشرود وكلام فارس جيه علي الجرح ..جرح بيحاول ينساه وينسه وجعه بس كلام فارس فتحه ..فارس كان ميختلفش عنه كتير وهو حاسس بالذنب
..هو لو بيعمل معاه كده ده خوف عليه وبعدين الي حصل مش سهل والي بيحصل مش سهل عليه
وافتكر وهي وقفه جمبيه وحاطت ايده عليها بتملك
ودفــ,,ـن وشه بين ركبة ودموعه نزلت بصمت