: الحقني يا سيف.. سالم رجع البيت قبل الضهر وفجأه اول ما دخل لسه بكلمه لقته وقع من طوله…وانا لوحدي ف المستشفي وخايفه اوصل الخبر لياسمين وــ,,ـفارس وانا حالتي كده تعالي ارجوك سيف جري ع الحمام يغسل وشه عشان يفوق : طب اهدى اهدى يا أمي أنا مسافة السكه وهكون عندك… اهدى بالله ومتخفيش ان شاء الله هيبقا كويس مها بنهيار : يارب يارب… مش هستحمل يا سيف يحصل فيا نفس الموقف تاني صعب عليا مش هقدر بجد… روح لفارس عرفه براحه وهو هيقدر يتعامل مع ياسمين
سيف وهو بيلبس بسرعه : حاضر حاضر ياامي انا هنزل اهو وهعملك كل اللي انتي عايزاه بس اهدى عشان خاطري مها خدت نفس ومسحت وشها بغصه : حاضر حاضر يا حبيبي هحاول : سلام يا حبيبتي سيف قفل معاها ولبس نضارة الشمس السوده بعد ما كان خلص لبس لبسها عشان يداري إرهاق عنيه ونزل جري على عربيته وصل المكان المركونه فيه َركبها ونطلق بيها وفي الطريق رن علي فارس كذه رنه لحد ما رد عليه
فارس بلهفة : معلش يا برو كنت ف المحاضرة سيف بهدوء : ولا يهمك ياحبيبي المهم ابعتلي لوكيشن الكلية بتاعتك فارس بستغراب وقلق : في حاجه ولا ايه يا سيف : مفيش يا فارس عايزك بس ف موضوع يلا انجز فارس بعتله الموقع علي الواتساب ووقف قدام الكلية مستنيه يوصل وسيف متأخرش عليه كتير فارس شاف سيف نزل من العربية وقرب منه فارس بقلق : طمني يا سيف انا مش مرتاح في ايه سيف حضــ,,ـنه بهدوء : متقلقش… الحكايه بس ان سالم بيه مرهق شوية وراح المستشفي
فارس تنفض بصدمه : ابوويا ..ابويا في ايه يا سيف ابوية جراله حاجه وانت مش راضي تقولي سيف هز دماغه : ابدا والله يا حبيبي انا بس مرضتش اعرفك ف الفون بس هو تمام متقلقش وهيقوم بسلامه انشالله امي قالت انك هتعرف تتعامل مع ياسمين هطلع قدامك انا وانت ابقي حصلني وبراحه وانت سايق بلاش تهور ..يلا سلام فارس اومأ وركب المــ,,ـوتسكل بتاعه ونطلق بيه بسرعة متجه للشركه…. …
وبعد شويه كان فارس في الشركة وبيحاول يبان انه هادي ومفيش حاجه …وكل الي يشوفه وهو داخل الشركة يرحب بيه وهو يهز دماغه ببرود لحد ما وصل مكتب ياسمين وسمع صوت ندي ندي : ده كده الشغل الي كان مطلوب من دموع طلبت مني اوصله ليكي عشان هي اخدت اجازة مرضيه يومين ياسمين اومأت : تمام مكنتش تعبت نفسها لحد ما بقت كويسه.. ابقي طمنيني عليها يا ندي بليز ندي لسه هتتكلم الباب خبط ودخل فارس علي طول : سووو
ياسمين وقفت بصدمه : يا نهاااري مش معقول هي القيامه هتقوم ولا ايه فارس ف الشركة ازااي فارس ضحك من غير نفس : عشان تعرفي بس اني بقدم تنازولات كتير الفتره دي… المهم يلا تعالي معاايا رايحين مشوار ياسمين بستغراب : علي فين وبعدين مش تسلم ع ندي اظن اتعرفته مش كده ندي اومأت : ايوة اتعرفنا….. ازيك يا كوكو ولا كوكو مين بقا ده انت طلعت بلطجي كبير ههههه فارس لو ف حاله تانية كان نفخ ريشه بس مش وقته
: الله يسلمك يا قمر ..يلاا بقاا يا ياسمين ياسمين : تؤ انا مش فاضيه عندي شغل كتير وبابا روح انهاردة وانا لوحدي ف الشركة خليها مره تاني يا فروسه فارس عض شفته وبخفوت : ياسمين بابا في المستشفي ياسمين شهقت بخضه وعنيها برقت ودموعها اتجمعت فارس جري عليها : اهدي متخفيش ده شوية ارهاق بس ياسمين ببكاء : انا من اول اليوم وانا حساه تعبان و بالعافيه سمع كلامي وروح .. بس لو اعرف انه هيجراله حاجه مكنتش سبته لحظه
ندي مسكت اديها بموساه وقالت : ان شاء الله خير يا حبيبتي متقلقيش سالم بيه قوي وزي ما قال فارس اكيد شوية ارهاق بس خير ان شاء الله : يارب يا ندى يارب : طب يلا بينا بقا عشان منتأخرش زمان سيف وصل قالها فارس هو بيخدها ف حضــ,,ـنه ونزل بيها قدام الشركه وداها الخوذه لبستها وركبت وراه وودعتهم ندى و رجعت تاني الشركه وهي مهمومه وكلمت دموع اللي واخده جازه بسبب الجروح الي في وشها وجسمها.. كلمتها ندى وحكتلها عن اللي حصل وهي كمان زعلت عليهم اوي .
……. في المستشفى وصل سيف وسأل عن الدور اللي موجود فيه سالم وراحله اول ما وصل شاف تميم ومها قدام الاوضه اللي موجود فيها سالم. .. مها اول ما شافته جريت عليه وترمت في حضــ,,ـنه اللي حتوها سيف بهدوء : اهدى يا حبيبتي اهدى عشان خاطري و متقلقيش : الدكتور طول اوي جوه يا سيف بقاله ساعه ولسه مخرجش انا خايفه عليه اوي يا بني : متقلقيش يا أمي دلوقتي الدكتور يطلع ويطمنا : كلمت اخواتك انا خايفه يسمعوا الخبر من برا مع ان تميم خد كل الإجراءات اللازمة بس الاخبار بتتسرب
: كلمتهم متقلقيش وجايين في الطريق وقبل ما يخلص جملته كان وصل فارس وياسمين اللي جريوا على امهم حضــ,,ـنوها وياسمين انهارت هي ومها في البكاء اول ما حضــ,,ـنو بعض وتميم في اللحظه دي مقدرش يشيل عينه من على ياسمين… وقلبه وجعه عليها كان نفسه في اللحظه دي يخدها في حضــ,,ـنه ويواسيها لكن ما باليد حيله تنهد بهم وقلب مكسور ومتالم بسبب بكاها ونزل يجبلها مايه او عصير بعد ما شفها قعدت علي الكرسي بتعب وحزن
5 طلع الدكتور اللي كلهم جريوا عليه بلهفه مهما بلهفه وقلق : خير يا دكتور طمنا الله يخليك الدكتور بابتسامه هاديه : خير يا جما.عه متقلقوش… سالم بيه صحته زي الفل.. واحنا عملنا ليه شوية فحوصات وطمنا.. ضغط وسكر ورسم قلب وتحليل دم فحص شامل والموضوع كله.. الضغط والسكر مش مظبوطين بسبب شوية ارهاق ولخبطه ف الاكل خلت السكر عالي..وطت الضغط الفرحه هلت على وشوشهم لما سمعوا كلام الدكتور و فارس حضــ,,ـن سيف وهو بيشكر ربنا ونفس الوضع مع ياسمين ومهاا
مهما بابتسامه واسعه : يعني هو كويس صح نقدر نشوفه الدكتور ببتسامه : ايوة يا مدام مها اتفضلوا هو بخير دخلت مها ووراه فارس ..سيف قرب من ياسمين ومسك ايدها : تعاالي يا حببتي متخفيش ياسمين بغصه : خايفه الدكتور يكون بيطمنها بطلب من بابا خايفه يكون فيه حاجه ومداري علينا مش هقدر اخسرة يا سيف صدقني سيف خدها ف حضــ,,ـنه : اهدي يا بابا متخفيش انا هاخد الفحوصات و وديها لدكتور تاني يطمنا لو ده هيريحك
تميم جاب الماية والعصير وشفها ف حضــ,,ـن سيف وتصلب مكانه وقلبه وجعه من المنظر والدم غلي في عروقه وجز على سنانه وهو بيقول : طبعا هو ده الي يليق بمقامك يا ياسمين هانم 5 ورما المايه والعصير ف سلة الزباله وطلع بعصبيه وهو مش طايق سيف . ياسمين اومأت بهدوء ومسحت وشها : شكرا شكرا بجد يا سيف ع وقفتك معانا سيف ابتسم بخفوت : متقوليش كده تاني انتوا عيلتي ودخل هو وياسمين شاف مها مسكه ايد سالم وهو تلاشي يدخل معاهم ف الاول عشان تاخد راحتها وــ,,ـفارس نايم جمبه زي الاطفال
ياسمين جريت عليه بلهفه وهي بتبوس ايده الي ع كتف فارس : الف سلامه عليك يا بابا سلمتك يا غالي… كده برضو تخضني عليك كده سالم بصوت مرهق : متخفيش يا قلب بابا انا كويس اهو… بلاش دموعك عشان خطري يا ياسمينا الدكتور دخل بعد خمس دقايق : ايه يا سالم بيه شوفت الغلاوة ولا لسه عشان تعرف بس انك غالي عندهم وتهتم بصحتك شويه ولا ايه يا مدام مها مها اومأت بلهفه : اكيد طبعا يا دكتور انا بنفسي ههتم بالموضوع دا
الدكتور : المهم الراحه التامه يا سالم وياريت لو تاخد اجازة من الشغل اعتبرها فترة نقاهه لحد ما تسترد كامل صحتك وده العلاج اللي هتمشي عليه ونظام الاكل وخرج سيف بهدوء وهو واقف بعيد : حمدلله على سلامتك يا سالم بيه : الله يسلمك يا سيف شكرا تعبتك معايا سيف : ولا تعب ولا حاجه متقولش كده انت ف مقام والدي الله يرحمه مها بجديه : بقولك ايه انت تنسي خالص الشغل الفتره دي الدكتور قال اهم حاجه الفتره الجايه هي الراحه التامه
: راحت ايه بس يا مها ما انتي عارفه…مش هقدر اقعد وسيب الشركة الاساسيه الباقين فيهم مدراء ام دي هسبها لمين وبعدين الفتره الجايه داخلين على شغل كتير وياسمين مش هتعرف تسد لوحدها كتير عليها : انسي.. مستحيل هخليك تعتب الشغل دا قبل شهر على الاقل ودا كلام الدكتور مش كلامي لعلمك….ولو على الشغل سيف هينزل الشركه مع ياسمين والاتنين يسدوا سيف بصلها وبرق بصدمه اول ما سمع كلامها وف باله ..بتدبسيني يا مها ماشي ماااشي
ياسمين بلهفة : اه يا بابا عشان خاطري اسمع كلام ماما عشان تبقا كويس ومتشيلش هم الشغل خالص انا هعلم كل حاجه لسيف وكله هيبقا تمام مها بحماس وهي عامله نفسها مش واخده بالها من نظرات سيف : ايوه دا سيف شاطر وناصح و بيتعلم بسرعه هما يومين وهتلاقيه فاهم كل حاجه في الشغل وف بالها ..متبرقليش يا روح امك امال هسيبك في عزلتك كده كتير… واهو منها تساعد سالم ومنها تلهي نفسك بدل ما انت كل يوم بتروح تكلم الاموات ونايم في الشقه المهجوره ليل مع نهار
5 : قولت ايه يا بابا سالم بابتسامه وهو بيبص على سيف : انا عن نفسي معنديش مانع وهو حد يكره الراحه وخصوصا الي زيي عمره ما عرف طعم الراحه عامل ازاي… بس المهم دلوقتي رأي سيف كلهم بصو لسيف اللي لسه هيتكلم راحت مها قايله : سيف طبعا موافق وهو هيلاقي فرصه احسن من دي حتى يسلي وقته بدل الفضا اللي هو عايش فيه مش ساعة ما رجع سالم : استني بس يا مها خلينا نسمع رأيه
اتكلم سيف واخيرا وهو بيضغط على سنانه وهو فاهم امه كويس وقال بابتسامه مضغوطه : وهو في كلام يتقال بعد كلام مها هانم.. اكيد موافق طبعا يا سالم باشا… وكمل بجديه… وبعدين انت جمايلك مغرقاني وجيه الوقت اللي أرد منها ولو جزء.. انا تحت امرك المهم راحتك انت عشان خاطر اولادك مها وهي بتبصله ببتسامه وهي عارفه انه من جواه مولع : قلب ماما العاقل ايوة كده مخيبتش ظني فيك
فارس كان قاعد سرحان من الصبح من وقت ما اطمن على باباه وهو قاعد سرحان في القمر اللي شافها الصبح لما راح يجيب ياسمين وافتكرها ان هي ودموع شاغلين عندهم في الشركه وكان قاعد بيفكر في باله وهو بيفتكر تفاصيل شكلها ( لا لا دا مش جسم دا ملفيه… ااااخ ولا الشفايف حوووار.. ولا العيون دي قصه تانيه… ولا الخدود فروله .. ولا ولا دا الواحد مش عارف يبدأ منين وينتهى منين ) 5 واطي ووقح هههه
وف وسط ما هو بيفكر في تفاصيلها لفت نظره كلامهم عن شغل سيف في الشركه قام هب واقف هو كمان وقال : وانا كمان هنزل الشغل مع سيف كلهم بصولو وضحكوا سالم : ودا من امتى ان شاء الله فارس بضحكه صفرا : ف ايه بابا هو انا علي دماغي ريشة وبعدين انا ادارة اعمال وكلها سنه وهتخرج وكمان عشان اساعدهم ف الشغل ولا ايه يا سوو متقولي حاجه ياسمين بستفزاز : لاء…وبعدين انت طول عمرك بتكره الشغل اشمعنا انهاردة
فارس عض علي شفته : يا بنتي انا غلطان يعني عايز اسعدكم عشان راحة بابا اخلصي هروق عليكي ف الشركة وبعدين انا وشي اصلا لوحده وجهة و مش بعيد اكون موديل لاعلانتكم ياسمين بضحك : تبا لتواضعك يا فارس سيف ضحك : وواثق من نفسه.. يلا خليك تجرب حظك معانا يا كوكو ..وبصله بمغزي فارس بصله وفهمو بعض وضحك بصوت عاالي وف باله يا بن العفاريت مكدبتش وانت بتقول جيبها من تحت 5 سالم ببتسامه : انا كده هرتاح ربنا يخليكم لبعض يا ولادي يلا شوفوا تميم فين وانتي ياسمين
خلصي الإجراءات عايز اخرج سيف : انا جاي معااكي فارس بسخرية : طب خدووني معاكم عايز اعمل بي بي ههههههه سيف ابتسم : لا بقولك ايه انشف شويه شغل تلته اول دا مش هايكل في الشركه يا كوكو فارس بصله وعض ع شفته : ده هو ده الي هينفع… سوق الهبل علي الشيطنه يسطا واعمل نفسك من بنها وانت ماية من تحت تبن ..وغمزلو ياسمين دخلت ف نصهم ولفت ايديها على ايد كل واحد فيهم
: هو انتوا بتتكلموا علي الشركة ولا علي ايه انا مبقتش فاهمه .. سيف ابتسم وــ,,ـفارس ضحك : بصي يا حبيبتي الفترة اللي جاية دي متركزيش معاانا خالص . تميم شفهم وهو قاعد ف الرسبشن وزفر بخنقه ياسمين شفته وشورت عليه : تميم اهو انا هروح اقوله يجهز العربية فارس : خلاص يلا روحي وانا هشوف المصريف واخلص الإجراءات سيف : انا هخلص كل حاجه بس روح انت هتلي قهوة دبل سادة بسرعه عشان دماغي هتتفرتك ومنمتش كويس
فارس : عنيا يا بروو بس سادة برضو ودبل كمان ده جلد الذات ده سيف : مش هتبقا امر من الي عشته ودوقته يلا بقا يا كوكو اخلص فارس ضحك وهو ماشي : مقبوله منك يسطا بس منها احلي وغمز في الاخر وسيف ضحك تميم شاف ياسمين بتقرب منه وقف ببرود و رسميه معتاد عليها : اتفضلي يا ياسمين هانم خير سالم بيه كويس ياسمين ابتسمت : ايوة يا تميم الحمدلله شكرا عشان مسعدتك لماما
تميم قلبه نبض بعد ما سمع اسمه من شفايفها وكل مره قلبه ينبض وكأنه اول مره يسمعه منها لكن حاول ميبينش وكمل بنفس الرسميه : ده واجبي يا هانم ياسمين ببتسامه جميلة : ما بلاش هانم دي يا تميم ده انا كبرت قدامك حتي يعني بلاش تكبرني وانا اصغر منك تميم بحزن : الكبير كبير مقام مش سن يا هانم : تمام دي وجهة نظرك وتحترم وكل حاجه بس انا مش عايزة ابقا كبيرة مقام انا شخص عادي جدا يا تميم انا ياسمين وبس ممكن
تميم ابتسم براحه : اللي تشوفيه حضرتك ياسمين : ييييه خلصنا من هانم مسكنا في حضرتك هههه…. المهم جهز العربية لو سمحت عشان بابا عايز يروح تميم اومأ بهدوء : انسه ياسمين ممكن طلب ياسمين ابتسمت : اتفضل يا تميم تميم حط ايده علي رقبته بتوتر : اححم.. ممكن متحضــ,,ـنيش سيف باشا تاني ياسمين بستغراب : ده اخويا… وبعدين ليه يعني مش فاهمه تميم : لا مش اخوكي ده يحل ليكي ..وليه اعتبريها خوف عليكي عشان ده حرام وميصحش
ياسمين بصتله بستغراب… اول مره يتدخل في الي ميخصهوش طول عمره زي الآلة ده حتي من النادر لما بيتكلم ما بالك طلب زي دا ياسمين اومأت بهدوء ومن جواها حبت اهتمامه بس مبينتش : تمام حاضر هعتبرها نصيحه اخويه مش تدخل ف حياتي يا تميم 5 تميم فاق لنفسه : العفو يا هانم اعتبريني مقولتش حاجه عن اذنك . خلصوا كل الإجراءات وروحوا وسيف قضي معاهم اليوم كله و نام ساعتين قبل العصر وصحي اتغدي ومن بعديها ياسمين بتحاول تفهمه الشغل ماشي ازاي والاساسيات الي قايمة عليها الشركة لحد الساعه عشرة بليل
وبعدها خرج من عندهم و راح عدي علي يوسف وتكلم معاه زي كل يوم وبعدها روح شقته ودخل الحمام بص لنفسه ف المراية وستغرب شكله و الهالات والارهاق اللي باين علي وشه ودقنه كثيفة وشعره طويل طلع شنطة الحلاقة بتاعته وخد المكنة الكهربائية وحدد دقنه وخففها وخفف شعره من الجناب وقصرة وروق ع نفسه ودخل خد شور طويل طلع من الحمام رش برفانه وحط كريم مرطب علي وشه وايديه وطلع يعمل قهوة وشاف شباك دموع مقفول حس باليأس اليوم كله برا مسمعش صوتها ولا شافها
خايف يكون حصلها حاجه وفتح الفون يقلب فيه ..صب القهوة ودخل اوضة النوم لبس تيشرت اسود وبنطلون قطني وولع سجاره وخد القهوة وطلع البلكونه وشاف ملاكه قاعده بتشتغل علي الاب توب وزي كل مره دموع رفعة راسها لما شمت ريحة السجاير … دموع ببتسامه : عامل ايه سيف ابتسم لها : بخير وانتي