رواية دموع السيف الحلقة الثانية والعشرون
سيف حكي لفارس وهو رايح جاي بعصبيه واعصابه مشدوده وجسمه بيتنفض من صوت عياطها وانهيارها
ومقدرش يستحمل يسمعها ولا يشوفها وهي كده : انا ماشي سلاام ..وهرب من الشقه وكأن ملك المــ,,ـوت بيطرده ..فارس جري وراه : استني بس يا سيف هتروح فين انت مينفعش ترجع الحارة بسبب الحوار الي داير ..
: هو انا عامل عمله ولا ايه يا فارس متفوق مش انا الي بهرب والكلب ده لو عنده حاجه انا هحطها ليه في مكان دافي عشان القرف ده كله محصلش انا مش ناقص جنان
وبعدين يعمل حاجه وانا وديني لكون .و ..ونزل علي تحت .. فارس اتصل علي تميم بسرعة : ايوة يا تميم معلشي رنيت عليك دلوقت بس سيف انا مقدرتش عليه وعايز يرجع الحارة وممكن يمسك هو والزفت في بعض تاني
كلمه يا تميم ولا حصله مش هقدر اروح وراه وسيب البنات لوحدهم ….تمام سلام
ندي كانت وراه : وبعدين في القلق ده بقا ربنا يستر : دموع عامله ايه دلوقتي : خدت مهدء تاني مقدرتش اهديها كانت عمله زي المجانين منك لله يا حسين الكلب …سيف مقلكش
حصل ايه .. : سيف ميعرفش حاجه وقالي انه كان خارج من الحمام لقاها طلعه من شقته وحسين شفها .. ندي بتفكير : بس كده شفها طلعه من عنده وعمل ده كلو اكيد في حاجه غلط دخلت ازاي وايه الي دخلها ده هنفهمو لما دموع تهدي وتتكلم وتعرفنا الي حصل
بالظبط …
ندي استوعبت انها وقفه بتتكلم مع فارس عادي راحت بصت له بقرف ودخلت اوضة دموع ..
